چالاكیێن زانكۆیێ




زانكۆیا زاخۆ هه‌ولدده‌ت ژیانا زانستى و جڤاكى یا قۆتابیان ب كه‌ش و هه‌وایه‌كێ گۆنجایى و چالاك ڤه‌ گرێبده‌ت، چالاكى و پڕۆگرامێن به‌رده‌وام ژبۆ قۆتابیان ل زانكۆیێ هه‌نه‌. ئه‌ڤ چالاكى و پڕۆگرامه‌ پێكدهێن ژ ئاهنگێن سالانه‌، وه‌ك ئاهنگێن هه‌ڤنیاسینێ، كه‌لتۆرى و بیره‌وه‌ریێن نه‌ته‌وه‌یى...هتد. ژ چالاكیێن دیتر یێن دناڤ سالنامه‌یا زانكۆیێدا دهێن دیتن، مینا ڤه‌كرنا پێشانگه‌هێن په‌رتووكان، پێشانگه‌هێن كه‌لتۆرى، كۆنفرانس، وڕك شۆپ و سمینار. هه‌لبه‌ت د ئه‌ڤان چالاكیاندا قۆتابى یێ مفاداره‌. زێده‌بارى ئه‌ڤان چالاكییان هه‌ر سال قۆتابى و مامۆستایێن پشكا "زمانێ ئینگلیزى" شانۆگه‌رییه‌كێ ب زمانێ ئینگلیزى ژبۆ بینه‌رێن شانۆیێ ل قه‌زا زاخۆ نمایش دكه‌ن، ئێك ژ ئه‌وان شانۆگه‌ریێن هاتییه‌ نمایشكرن و ده‌نگڤه‌دایى شانۆگه‌رییا "بازرگانێ ڤێنیسیا"The Merchant of Venice" " یا نڤیسكار "ویلیه‌م شكسپیر"ى بوو. ژ چالاكیێن دیتر یێن ل زانكۆیا زاخۆ دهێنه‌ ئه‌نجامدان چالاكیێن وه‌رزشینه‌، ژبه‌ركو ل زانكۆیا زاخۆ یاریگه‌ه و گۆره‌پانێن وه‌رزشى هه‌نه‌، ئه‌ڤ چالاكییه‌ ژلایێ پشكا "په‌روه‌رده‌یا وه‌رزشى" ل زانكۆیا زاخۆ دهێنه‌ ڕێكخستن و قۆتابیێن كچ و كۆر د ئه‌ڤان چالاكییاندا به‌شدار دبن، ئه‌ڤ چالاكییه‌ پێكدهێن ژ ڤه‌كرنا قاره‌مانیێن جوداجودا، وه‌ك قاره‌مانیێن "ته‌پا پێى، ته‌پا ده‌ستى، باسكتبۆل، ته‌پا مێزێ و شه‌تره‌نج". هه‌روه‌سا هه‌ر سال ل 25ى نیسانێ، كو دبیت ڕۆژا زانكۆیێ مامۆستا و قۆتابى ب ئه‌ڤێ هه‌لكه‌فتێ بۆ ماوێ شازده‌ ڕۆژان چالاكیێن جڤاكى ژبۆ خۆرتكرنا په‌یوه‌ندیێن جڤاكى ئه‌نجام دده‌ن .