<< نووچەیێن

ل زانكۆيا زاخۆ ياريێن قاره‌مانييا ڤولى بۆلێ ده‌ستپێكرن

09 April 2019

ب ئاماده‌بوونا به‌رێز پرۆفیسۆرێ هاریكار دكتۆر (شێرزاد زه‌كه‌ریا محه‌مه‌د) ڕاگرێ فه‌كۆلتیا په‌روه‌رده‌ ل زانكۆیا زاخۆ و جه‌ماوه‌ره‌كێ زۆر ژ پشته‌ڤانێن تیمان، ژ چوارچووڤه‌یێ یاریێن قاره‌مانییا ئازاد یا (ڤولى بۆلێ) ئه‌وا ل هۆلا وه‌رزشى یا زانكۆیا زاخۆ دهێنه‌ ئه‌نجادان، ل ڕۆژا دووشه‌مبێ ڕێكه‌ڤتى (8/4/2019) سێ یاریێن گرنگ و بهێز هاتنه‌ كرن.
یاریا ئێكێ ژ قاره‌مانیێ دناڤبه‌را كۆلیژا له‌شكه‌رى یا زاخۆ و ناڤه‌ندا زاخۆ هاته‌كرن و تێدا كۆلیژ له‌شكه‌رى شیا ب دوو گێمان ل به‌رامبه‌ر گێمه‌كێ سه‌ركه‌ڤتنێ تۆماربكه‌ن، هه‌روه‌سا د یاریا دوویێدا یانا زاخۆ یا وه‌رزشى ب دوو گێمان بێ به‌رامبه‌ر سه‌ركه‌ڤتن لسه‌ر تیما په‌یمانگه‌ها وه‌رزشییا زاخۆ بده‌ستڤه‌هینا، یاریا دووماهیێ ژ ئه‌وێ ڕۆژێ دناڤبه‌را تیما كۆلیژا له‌شكه‌رى و زانكۆیا زاخۆ هاته‌ ئه‌نجامدان و تێدا كۆلیژا له‌شكه‌رى ب دوو گێمان به‌رامبه‌ر چنه‌ ب سه‌ركه‌ڤت.
جهێ ئاماژه‌پێدانێیه‌، كو یاریێن قاره‌مانیێ دێ به‌رده‌وام بن و ڕۆژا پێنجشه‌مبێ ڕێكه‌ڤتى (11/4/2019) دێ یاریا دووماهیێ هێته‌ ئه‌نجامدان.