<< نووچەیێن

دكتۆر ئارام محه‌مه‌د: د ڕێنمایێن ماسته‌ر و دكتۆرایێدا دێ زۆرترین ده‌رفه‌تێن خواندنێ بۆ خوازیاران به‌رجه‌سته‌ كه‌ن

03 September 2019

ڕێڤه‌به‌ریا ڕاگه‌هاندنا وه‌زاره‌تێ:
وه‌زیرێ خواندنا بلند و ڤه‌كۆلینێن زانستى ته‌كه‌زى لسه‌ر ئه‌ڤێ چه‌ندێ كر، كو پێدڤییه‌ ڕێنمایێن نوى یێن خواندنا ماسته‌ر و دكتۆرایێ ب شێوازه‌كێ دابرێژن كو ڕێگریێ ل چوونا ده‌رڤه‌ یا سامانێ نیشتیمانى یێ وه‌لاتێ مه‌ بكه‌ن و زۆرترین ده‌رفه‌تێن خواندنێ بۆ خوازیارێن خواندنا بلند ده‌ستبه‌ردار بكه‌ن. جه‌نابێ وه‌زیرى دووپاتكر كو سه‌رجه‌م ده‌رچوویێن زانكۆیان ئه‌وێن هه‌تا ده‌مێ نوكه‌ نه‌هاتین دامه‌زراندن ب بێ به‌رچاڤ وه‌رگرتنا سالێن ده‌رچوون و خزمه‌تێ دشێن داخوازا خواندنا ماسته‌رێ بكه‌ن.
ئه‌ڤ ته‌كه‌زییا به‌رێز دكتۆر (ئارام محه‌مه‌د قادر) وه‌زیرێ خواندنا بلند و ڤه‌كۆلینێن زانستى ل ڕۆژا سێشه‌مبێ ڕێكه‌ڤتى (3/9/2019) د چوارچووڤه‌یێ سه‌رپه‌رشتیكرنا كۆمبوونا دارشتن و پێداچوونێ ڕێنمایێن خواندنا بلند (ماسته‌ر و دكتۆرایێ) ل زانكۆیێن هه‌رێما كوردستانێدا هاته‌ ڕاگه‌هاندن، د كۆمبوونێدا ڕێزداران (ڕاوێژكار، ڕێڤه‌به‌رێن گشتى یێن وه‌زاره‌تێ، هاریكارێن سه‌رۆكێن زانكۆیان بۆ كاروبارێن زانستى) ئاماده‌ببوون.
بۆ زانينا زانياريێن زێده‌تر، سه‌ره‌دانا مالپه‌رێ فه‌رميێ وه‌زاره‌تا خواندنا بلند و ڤه‌كۆلينێن زانستى بكه‌ن.