<< نووچەیێن

ل زانكۆ و په‌یمانگه‌هێن هه‌رێما كوردستانێ دێ بابه‌تێ جێنده‌رناسیێ هێته‌ خواندن

08 September 2019

ل ڕۆژا پێنجشه‌مبێ ڕێكه‌ڤتى (5/9/2019) وه‌زاره‌تا خواندنا بلند و ڤه‌كۆلینێن زانستى ووركشۆپه‌ك بۆ ڕێڤه‌به‌رێن (سه‌نته‌رێن جێنده‌رناسیێ) یێن هه‌مى زانكۆیێن هه‌رێما كوردستانێ ل زانكۆیا هه‌ولێر یا پزیشكى سازكرن.
بابه‌تێ سه‌ره‌كى یێ ووركشۆپێ ناڤهاتى لدوور به‌رهه‌ڤكرنا وانه‌یا جێنده‌رناسیێ ل زانكۆ و په‌یمانگه‌هان بوو، هه‌ژییه‌ بێژین بۆ سالا نوى یا خواندنێ (2019ـ2020) دێ بابه‌تێ جێنده‌رناسیێ وه‌ك مژاره‌ك سه‌ره‌كى ل قوناغێن دوویێ و سێیێ ب زمانێن (كوردى یان ئینگلیزى) هێته‌ پێشكێشكرن، هه‌روه‌سا بابه‌ت دێ ژلایێ ماموستایه‌كێ پسپۆر و ئه‌كادیمى هێته‌ گۆتن و چه‌ندین خولێن تایبه‌ت دێ بۆ ماموستایێن وانه‌یا جێنده‌رناسیێ هێنه‌ ڤه‌كرن.
لدووماهیێ گرنگه‌ بێژین، كو ماموستا (نازدار عارف بریندار) ڕێڤه‌به‌را سه‌نته‌رێ جێنده‌رناسیێ ل زانكۆیا زاخۆ ب شێوه‌یه‌كێ فه‌رمى پشكدارى د ووركشۆپیدا كر و ب دیتن و بۆچوونێن خۆ به‌شدارى د چه‌ندین په‌نه‌لێن سه‌ره‌كیدا كر.