<< نووچەیێن

گرۆپێ دوویێ یێ ماموستایێن زانكۆیێن كوردستانێ به‌ره‌ڤ وه‌لاتێ فنله‌ندا برێكه‌ڤتن

14 May 2019

ڕێڤه‌به‌ریا ڕاگه‌هاندنا وه‌زاره‌تا خواندنا بلند:
پرۆسه‌یا ڕیفۆرم د پێداگۆجیێدا (ڕێكێن وانه‌گۆتنێ) دگه‌ل وه‌لاتێ فنلاندا وه‌ك پرۆژه‌یه‌كێ گرنگ و ئیستراتیژیێ وه‌زاره‌تا خواندنا بلند و ڤه‌كۆلینێن زانستى یێ به‌رده‌وامه‌، د ئه‌وى چوارچووڤه‌یدا گرۆپێ دوویێ یێ ماموستایێن پێداگۆجیێ كو هژماره‌یا وان (20) ماموستانه‌ ژ زانكۆیێن حكومى و تایبه‌ت بۆ به‌شداریكرنێ د پرۆگرامێ ڕیفۆرم و شێوازێ وانه‌گۆتنێدا به‌ره‌ڤ وه‌لاتێ فنله‌ندا برێكه‌ڤتن.
له‌ورا ژبه‌ر ئه‌ڤێ مه‌ره‌مێ لژێر چاڤدێریا به‌رێز دكتۆر (یوسف گۆران) وه‌زیرێ خواندنا بلند و ڤه‌كۆلینێن زانستى و هه‌ر ئێك ژ به‌رێزان ماموستا (فوئاد عه‌لى) جێگرێ ڕێڤه‌به‌رێ گشتى و ڤه‌كۆلینێن په‌ره‌پێدانێ و دكتۆر (كارمه‌ند ئه‌بدولا) سه‌رۆكێ لیژنه‌یا ڕاوندا دوویێ یێ پێداگۆجیێ كۆمبوونه‌ك تایبه‌ت دگه‌ل ماموستایان هاته‌ ئه‌نجامدان.
بۆ زانینا زانیاریێن زێده‌تر، سه‌ره‌دانا مالپه‌رێ فه‌رمیێ وه‌زاره‌تا خواندنا بلند و ڤه‌كۆلینێن زانستى بكه‌ن.