10 July 2019
ڕێڤه‌به‌ریا ڕاگه‌هاندنا وه‌زاره‌تێ:
وه‌زاره‌تا خواندنا بلند و ڤه‌كۆلینێن زانستى بۆ سالا چوارێ دێ ڕێزبه‌ندییا نیشتیمانى یا زانكۆیێن هه‌رێما كوردستانێ ڕاگه‌هینت.
لیژنه‌یا بلند یا ڕێزبه‌ندییا نیشتیمانى یا زانكۆیێن كوردستانێ د ڕاگه‌هاندنه‌كێدا ئه‌ڤ چه‌نده ڕاگه‌هاندییه: ڕێزبه‌ندییا نیشتیمانى یا زانكۆیان ئێك ژ پرۆژه‌یێن گرنگ و كاریگه‌ر یێن وه‌زاره‌تا خواندنا بلند و ڤه‌كۆلینێن زانستییه، ژبه‌ركو برێیا جێبجێكرنا ئه‌وى پرۆژه‌یى د ماوه‌یێ ڕابۆریدا كاریگه‌رییه‌ك ئه‌رێنى لسه‌ر پێشكه‌ڤتنا زانكۆیان هه‌بوويه و زانكۆیێن هه‌رێمێ ب چه‌ندین بوهایێن نوى ئاشناكرن.
د ڕاگه‌هاندنێدا ئه‌ڤ یه‌كه ژى هاتییه دیاركرن: د ده‌مێ نوكه‌دا كاروبارێن ته‌كنیكى و تایبه‌ت یێن په‌یوه‌ندى ب پرۆسێسا ڕێزبه‌ندییا نیشتیمانى یا زانكۆیان هه‌یى ب شێوه‌یه‌كێ سه‌ركه‌ڤتییانه برێڤه‌دچن و بریاره د ناڤه‌راستا مه‌ها (ئه‌یلولا) ئه‌ڤ ساله بۆ جارا چوارێ ڕێزبه‌ندییا نیشتیمانى یا زانكۆیان بهێته ڕاگه‌هاندن.
