<< نووچەیێن

دكتۆر ئارام محه‌مه‌د: ئه‌ڤ ساله‌ (٤١٨٣٣) قوتابى ل زانكۆ و په‌یمانگه‌هان هاتینه‌ وه‌رگرتن

09 October 2019

ڕێڤه‌به‌ریا ڕاگه‌هاندنا وه‌زاره‌تێ:
ب هه‌لكه‌ڤتا ڕاگه‌هاندنا ئه‌نجامێن وه‌رگرتنا قوتابییان ل زانكۆ و په‌یمانگه‌هان، وه‌زیرێ خواندنا بلند و ڤه‌كۆلینێن زانستى پیرۆزباهى ل ده‌رچوویێن پۆلا دوازدێ ئاماده‌یى كر و داخوازا سه‌ركه‌ڤتنێ بۆ وان خوازت و ب سه‌رمایه‌كێ مرۆڤى یێ مفابه‌خش بۆ داهاتییێ وه‌لاتێ بناڤكر.
ئه‌ڤ گۆتاره‌ دكتۆر (ئارام محه‌مه‌د قادر) وه‌زیرێ خواندنا بلند و ڤه‌كۆلینێن زانستى ل ڕۆژا سێشه‌مبێ ڕێكه‌ڤتى (8/10/2019) د چوارچووڤه‌یێ كۆنگره‌یه‌كێ ڕۆژنامه‌ڤانیدا ب مه‌به‌ستا ڕاگه‌هاندنا ناڤێن ده‌رچوویێن پۆلا دوازدێ ئاماده‌یى ل زانكۆ و په‌یمانگه‌هان ڕاگه‌هاند.
وه‌زیرێ خواندنا بلند گۆت: ب شێوه‌یه‌كێ گشتى ڕێژه‌یا وه‌رگرتنێ بۆ سالا خواندنێ ب ئه‌ڤى ڕه‌نگى بوو: ژبۆ پلانا ب خۆرایى ل زانكۆ و په‌یمانگه‌هان (74%) ئێواران (14%) پارالێل (8%)، هه‌روه‌سا دكتۆرى گۆت: ب ئه‌ڤى ڕه‌نگى بۆ سالا نویا خواندنێ (2019ـ2020) ل زانكۆ و په‌یمانگه‌هێن حكومى (٤١٨٣٣) قوتابى هاتینه‌ وه‌گرتن.
بۆ زانینا زانیاریێن زێده‌تر، سه‌ره‌دانا مالپه‌رێ فه‌رمیێ وه‌زاره‌تا خواندنا بلند و ڤه‌كۆلینێن زانستى بكه‌ن.