<< نووچەیێن

سه‌نته‌رێ گه‌شه‌پێدانا كارى هه‌وه‌كا پاقژكرنا ئاڤاهییێ فه‌كۆلتیا زانستێن مرۆڤایه‌تى ئه‌نجامدا

09 October 2019

ل ڕۆژا سێشه‌مبێ ڕێكه‌ڤتى (8/10/2019) لده‌مژمێر (12:00) نیڤرۆ، ڕێڤه‌به‌ریا سه‌نته‌رێ گه‌شه‌پێدانا كارى ل زانكۆیا زاخۆ و لدویڤ داخوازى و ڕاسپارده‌یا ڕێزدار پرۆفیسۆر دكتۆر (هۆگر تاهر ته‌وفیق) ڕاگرێ فه‌كۆلتیا زانستێن مرۆڤایه‌تى، چالاكییه‌كا پاقژكرنا ئاڤاهییێ فه‌كۆلتیا زانستێن مرۆڤایه‌تى ب سه‌رپه‌رشتیا ڕێزدار (لاوه‌ند ئيكرام محه‌مه‌د) ماموستایێ پشكا زمانێ ئینگلیزیێ و قوتابیێن قوناغا دوویێ یێن ماموستایى ب باشترین شێوه‌ هاته‌ ئه‌نجامدان.
گرنگه‌ بێژین، كو سه‌نته‌رێ گه‌شه‌پێدانا كارى ب به‌رده‌وامى و د ده‌مێن جوداجودایێن سالێدا ئه‌ڤێ چالاكییێ ل كۆلیژ و فه‌كۆلتیان ئه‌نجام دده‌ن، هه‌روه‌سا دهێته‌ چاڤه‌رێكرن و د پلانا سه‌نته‌ریدایه‌ كو ئه‌ڤ ساله‌ ژى چه‌ندین چالاكیێن وه‌ها تایبه‌ت ڕێكبێخیت و سه‌رجه‌م قوتابى تێدا به‌شدارببن.
لدووماهیێ ماموستا (دلین ئه‌دیب میرۆ) ڕێڤه‌به‌را سه‌نته‌رێ گه‌شه‌پێدانا كارى سوپاسیێن تایبه‌ت ئاراسته‌یى ڕاگرێ فه‌كۆلتیێ و هاريكارێ ڕاگرى و سه‌رۆكايه‌تييا پشكا زمانێ ئينگليزيێ و قوتابیێن قوناغا دوویێ یێن پشكا زمانێ ئینگلیزیێ كرن ئه‌وێن كو ب حه‌ز و ڤیان پشكدارى د ئه‌ڤێ هه‌وێدا كرین.