<< نووچەیێن

زانكۆیا زاخۆ به‌شدارى د كۆنگره‌یێ پێنجێ یێ زانستى ئه‌وێ لدوور كۆمپیۆته‌رى و سیسته‌مێ زانیاریان ( ico

26 September 2015

به‌رێز كاروان جه‌قسى، قۆتابیێ دكتۆرایێ ژ پشكا زانیارێن كۆمپیۆته‌رى ل زانكۆیا زاخۆ به‌شدارى د كۆنگره‌یێ جیهانیێ پێنجێ ئه‌وێ لدوور كۆمپیۆته‌ر و سیسته‌مێ زانیاریان ( icoci 2015 )دا كر، ئه‌ڤ كۆنگره‌یه‌ ل ڕۆژا 11ـ13/8/2015 ل زانكۆیا (صباهاتین زایم) ل ئیسته‌نبۆلێ ل وه‌لاتێ تۆركیا هاته‌ ئه‌نجامدان، مامۆستا كاروان جه‌قسى ب به‌لگه‌نامه‌یێن لژێر ناڤونیشانێ (ئاماره‌ك ده‌رباره‌یى سیسته‌مێ ڤه‌كۆلینا بینداریێ و پشتبه‌ستن ب ژێده‌رێ لود (lod) ) پشكدارى د كۆنگره‌یدا كر، ئه‌و سیسته‌مێ به‌رهه‌م هینایى دگه‌ل مامۆستایێ هاریكار دكتۆر (نازیف دیمیلیلر) و مامۆستایێ هاریكار دكتۆر (صبحى ر. م. زێبارى)، ڕێكخه‌رێن كۆنگرێ (icoci 2015) سه‌ر ب زانكۆیا (ئاتارا ـ مالیزیا، زانكۆیا صباهاتین زایم ـ توركیا و كۆلیژا ته‌كنیكى زانست ـ uum cas ـ مالیزیا) بوون. بابه‌تێن كۆنگره‌یى گرێدایى (زانیاریێن كۆمپیۆته‌رى بۆ پێشڤه‌برنا ژیانێ)، ژبه‌ر هندێ كۆنگره‌یى بۆچوونێن داهێنه‌رانه‌ سه‌باره‌ت بكارهینانا ته‌كنۆلۆژیا كۆمپیۆته‌رى بۆ داهێنانا پره‌نسیپێن نوى و په‌یداكرنا گهورینان د جڤاكیدا به‌ر ب ئاینده‌یه‌كێ گه‌شتر و باشتر به‌رهه‌م هینان. به‌شداربوویى ژ زانكۆیان، ناڤه‌ندێن ڤه‌كۆلینان، پێشه‌سازى، ڕێكخراوێن تایبه‌ت و حكوومى، جڤاكێن پرۆفیشنال ژ هه‌مى وه‌لاتێن جیهانێ به‌شدارببوون. ئارمانجێن كۆنگره‌یى : 1ـ گه‌نگه‌شه‌كرن و به‌رچاڤكرنا ئاسته‌نگێن د ته‌كنۆلۆژیایێدا په‌یدادبن و داهێنانا د بیاڤێ كۆمپیۆته‌ریدا بۆ وه‌ڕارا ژیانێ. 2ـ ئاماده‌كرنا ستێجێ گه‌نگه‌شێ بۆ ڤه‌كۆله‌ران و پشه‌سازییێ، داكو بكارن ب بیروبۆچوونێن خۆ به‌شدار ببن و ئه‌نجامێن گه‌هشتى به‌لاڤه‌ بكه‌ن و د شیاندایه‌ ئه‌ڤ سیسته‌مه‌ بهێته‌ بكارهینان بۆ بهێزكرنا په‌یوه‌ندیان و هاریكاریێ دناڤبه‌را ژینگه‌ها مالیزیا یا ئه‌كادیمى و پێشه‌سازیێ دگه‌ل ئه‌ندامێن كارا. 3ـ په‌یداكرنا بیاڤه‌كێ بۆ قۆتابى و ڤه‌كۆله‌ران ژبۆ هه‌ڤدیتن، گه‌نگه‌شه‌كرن و فێربوونێ ژ پسپۆران د ئه‌ڤى بواریدا. ژمارێن كۆنگره‌یێ جیهانى یێ كۆمپیۆته‌رى و زانیاریان 2015، زنجیرا ئاستێ نیڤده‌وله‌تى و ژماره‌یا ئاستێ په‌رتووكێ: 1ـ كارێن ژماره‌یا ئاستێ نیڤده‌وله‌تى یێ په‌رتووكێ: 7ـ01ـ0910ـ967ـ978 2ـ كارێن ژمارا ئاستێ نیڤده‌وله‌تى: 4ـ02ـ910ـ967ـ978 3ـ كارێن زنجیرا ئاستێ نیڤده‌وله‌تى: 3784ـ2289