<< نووچەیێن

وه‌زیرێ خواندنا بلند و ڤه‌كۆلینێن زانستى سه‌ره‌دانا زانكۆیا زاخۆ كر

04 March 2015

ئه‌ڤرۆ ڕێكه‌ڤتى 3/3/2015 وه‌زیرێ خواندنا بلند و ڤه‌كۆلینێن زانستى یا حكۆمه‌تا هه‌رێما كوردستانێ هێژا دكتۆر (یوسف گوران) سه‌ره‌دانا زانكۆیا زاخۆ دا و ژ ئالییێ به‌رێز پرۆفیسۆرێ هاریكار دكتۆر (لزگین عبدى جمیل) سه‌رۆكێ زانكۆیێ و جڤاتا زانكۆیێ ڤه‌ هاته‌ پێشه‌وازیكرن. ب مه‌ره‌ما هایداربوونا ره‌وشا زانكۆیێ و خه‌باتا وێ یا زانستى، ناڤبرى ل ده‌ستپێكێ دگه‌ل سه‌رۆكێ زانكۆیێ و ده‌سته‌یا جڤاتێ دناڤ كه‌مپا زانكۆیێ دا گه‌ریانه‌ك بۆ پشكێن زانستى (كیمیا، بایلۆژى و فیزیك) برن و پاشان ل هۆلا سه‌رۆكایه‌تیێ ب ئاماده‌بوونا سه‌رۆك پشكێن هه‌ردوو ڤه‌كۆلتییان، دوو داتا هاتنه‌ پێشكێشكرن. ئێك ژ ئالییێ دكتۆر (عمر الحبیب) هاریكارێ سه‌رۆكێ زانكۆیێ بۆ كاروبارێن زانستى ل دوور ره‌وشا زانكۆیا زاخۆ و چه‌وانییا پێشكه‌ڤتنا وێ د بیاڤێ زانست و زانینێ دا و داتایا دى ژ ئالییێ دكتۆر (یاسین تاها) ڕێڤه‌به‌رێ سه‌نته‌رێ ته‌كنۆلۆژیا زانیارى و گه‌یاندنێ ل دوور سیسته‌مێ ته‌كنۆلۆژیا زانكۆیێ و پێشخستنا وێ هاته‌ پێشكێشكرن. ل داویێ دكتۆر یوسف گوران وه‌زیرێ خواندنا بلند و ڤه‌كۆلینێن زانستى دگه‌ل سه‌رۆكێ زانكۆیێ و جڤاتا وێ ڕوینشتنه‌كا تایبه‌ت گرێدا. ناڤبرى د سه‌ره‌دانا خۆ دا هیڤییا سه‌ركه‌ڤتنێ بۆ زانست و زانینێ ل كوردستانێ و بۆ زانكۆیا زاخۆ ب تایبه‌ت خواست و ئاماژه‌ ب وێ یه‌كێ ژى كر، كو زانكۆیا زاخۆ هه‌ر زویى شییا د ده‌مه‌كى كۆرتدا سه‌ركه‌ڤتنێ بینت د بیاڤێ پێشخستنا زانكۆیا خۆ دگه‌ل زانكۆیێن هه‌رێمێ.