<< نووچەیێن

ئاهه‌نگا ده‌رچوونا گه‌ڕا چوارێ یا قۆتابیێن زانكۆیا زاخۆ

24 December 2014

ل ژێر درویشمێ (گرنگیدان ب زانستى هێزه‌ بۆ خۆراگری و سه‌ركه‌ڤتنا پێشمه‌رگه‌ى) ئاهه‌نگا ده‌رچوونا قۆتابیێن زانكۆیا زاخۆ گه‌ڕا چوارێ یا سالا خواندنێ (2013 ـ 2014) ل هۆلا وه‌رزشیا زانكۆیێ هاته‌گێران. ب ئاماده‌بوونا به‌رێز "فه‌رهاد ئه‌ترۆشى" پارێزگه‌رێ دهۆكێ و هه‌مى ڕێڤه‌به‌رێن ده‌زگه‌هێن حكۆمى و لایه‌نێن سیاسى و په‌رله‌مانته‌ران، ب په‌یڤا سه‌رۆكێ زانكۆیا زاخۆ پرۆفیسۆرێ هاریكار دكتۆر (لزگین عبدى جمیل) ئاهه‌نگا ده‌رچوونێ ده‌ستپێكر. زانكۆیا زاخۆ ده‌رچوونا قۆتابیێن گه‌ڕا چوارێ (522) قۆتابى ب باوه‌رنامێن به‌كالۆریۆسێن جوداجودا ب هه‌مى پشكێن خۆ ڤه‌ ژ زانكۆیا زاخۆ ب ئه‌وان هاته‌ دان. ژ ئالییێ په‌ره‌پێدان ب خواندنا بلند د سالا خواندنێ (2013ـ2014) دا، زانكۆیا زاخۆ (17) قۆتابیێن باوه‌رناما دكتۆرایێ وه‌رگرتینه‌ و (70) قۆتابیان باوه‌رنامه‌یا ماسته‌رێ وه‌رگرتیه‌ و پتر ژ (50) قۆتابیان د خواندنا بلندا به‌رده‌وامن لسه‌ر خواندنا ماسته‌رێ و دكتۆرایێ ل زانكۆیێن هه‌رێمێ، ئیراقێ و ده‌رڤه‌ى وه‌لاتى. زانكۆیا زاخۆ ژ (18) پشكێن زانستى و (6) سكولان ل هه‌ردوو ڤه‌كۆلتیێن زانست و زانستێن مرۆڤایه‌تى پێكدهێت، سه‌رۆكایه‌تییا زانكۆیێ بۆ سالا خواندنێ (2014ـ2015) ل دویڤ فه‌رمانا وه‌زاره‌تا خواندنا بلند و ڤه‌كولینێن زانستى، ب سێ فه‌رمانێن وه‌زارى پشكێن ئه‌ندازیارى، میكانیك، په‌روه‌ردا وه‌رزشى، .پشكێن خواندنێن په‌روه‌ردا بنه‌ره‌ت تایبه‌ت بۆ مامۆستایێن وه‌زاره‌تا په‌روه‌ردێ ڤه‌كرینه‌.