<< نووچەیێن

زانكۆیا زاخۆ ئاهه‌نگا گه‌را شه‌شێ یا ده‌رچوونا قۆتابییان گێرا

20 November 2016

ل ڕۆژا ئێكشه‌مبێ ڕێكه‌ڤتى 20/11/2016 لده‌مژمێر (11:00) سپێدێ، زا نكۆیا زاخۆ ئاهه‌نگا گه‌را شه‌شێ یا ده‌رچوونا قۆتابییان بۆ سالا خواندنێ (2015 ـ 2016) لژێر دوریشمێ (هێزا پێشمه‌رگه‌ى و به‌رده‌وامییا زانست و زانینێ، زامنێ سه‌ربه‌خۆیا كوردستانێیه‌) ل هۆلا وه‌رزشى دناڤ كۆمه‌لگه‌ها زانكۆیێدا گێرا. هه‌ژییه‌ بێژین د ئه‌ڤێ ئاهه‌نگێدا به‌رێز (كریم عبدول) نوینه‌رێ وه‌زیرێ خواندنا بلند و ڤه‌كۆلینێن زانستى، سه‌رۆكێن زانكۆیان، ده‌ڤه‌ردارێ زاخۆ، په‌رله‌مانتار، ئه‌كادیمییا له‌شكه‌رى، ڕێڤه‌به‌رێن داموده‌زگه‌هێن حكوومى و ده‌زگه‌هێن ڕاگه‌هاندنێ ئاماده‌ببوون.

لده‌ستپێكا ئاهه‌نگێ، به‌رێز پرۆفیسۆر دكتۆر (عبدالوهاب خالد موسى) هاریكارێ سه‌رۆكێ زانكۆیێ بۆ كاروبارێن قۆتابییان، په‌یڤا بخێرهاتنێ خواندن و پیرۆزباهى ل قۆتابیێن ده‌رچوویى كر و داخوازا پاشه‌رۆژه‌ك گه‌ش و ده‌رفه‌تێن كارى د بوارێن تایبه‌تمه‌ندا بۆ وان خوازت.

پاشان به‌رێز پرۆفیسۆرێ هاریكار دكتۆر (له‌زگین عبدى جمیل) سه‌رۆكێ زانكۆیا زاخۆ په‌یڤه‌ك پێشكێشكر و تێدا بخێرهاتنا مێهڤان و ئاماده‌بوویان كر و پیرۆزباهى ل سه‌رجه‌م قۆتابى و مامۆستایان كر و داخوازا سه‌ركه‌ڤتنێ بۆ وان خوازت، سه‌رۆكێ زانكۆیا زاخۆ ئاماژه‌ ب پلان و پرۆژه‌یێن زانكۆیێ بۆ سالا نوى یا خواندنێ دا و باسێ پێشكه‌ڤتنا زانست و زانینێ ل زانكۆیا زاخۆ كر.

لدویڤدا به‌رێز (كه‌ریم عبدول) نوینه‌رێ وه‌زیرێ خواندنا بلند په‌یڤه‌ك خواند و پیرۆزباهى ل قۆتابیێن ده‌رچوویى و مالباتێن وان كر، هه‌روه‌سا د درێژه‌هییا ئاخڤتنا خۆ دا باسێ زانكۆیا زاخۆ و پێشكه‌ڤتنا زانكۆیێ د بوارێ زانستى و ئه‌كادیمى دا كر و داخوازا سه‌ركه‌ڤتن و ئاینده‌یه‌ك گه‌ش بۆ زانكۆیا زاخۆ خوازت.

پشتى ئه‌ڤان به‌رێزان په‌یڤێن خۆ پێشكێشكرین، ڕێوره‌سمێن ئاهه‌نگێ به‌رده‌وام بوون و ڕاگرێن كۆلیژ و فه‌كۆلتیان داخواز باوه‌رنامه‌یێن به‌كالۆریۆسێ بۆ قۆتابیێن ده‌رچوویى ژ به‌رێز سه‌رۆكێ زانكۆیا زاخۆ كرن، ژبه‌ركو ته‌ڤایا مه‌رجێن دانا باوه‌رنامه‌یا به‌كالۆریۆسێ لده‌ڤ قۆتابیێن ده‌رچوویى هه‌بوون، ژ لایێ خۆ ڤه‌ به‌رێز پرۆفیسۆرێ هاریكار دكتۆر (لزگین عبدى جمیل) باوه‌رنامه‌یا به‌كالۆریۆسێ ب قۆتابییان به‌خشى و داخوازا سه‌ركه‌ڤتنێ بۆ وان كر.

لدووماهییا ئاهه‌نگا ده‌رچوونێ، ڕێوره‌سمێ ڕێزگرتن و به‌خشینا دیاریه‌ك تایبه‌ت ژ ئالییێ سه‌رۆكێ زانكۆیێ بۆ به‌رێز پرۆفیسۆر دكتۆر (عمر الحبیب) هاریكارێ به‌رێ یێ سه‌رۆكێ زانكۆیا زاخۆ بۆ كاروبارێن زانستى و خواندنا بلند هاته‌ ڕێكخستن، ژبه‌ركو به‌رێزى د ماوه‌یێ كارێ خۆ دا خزمه‌ته‌ك زانستى و ئه‌كادیمى پێشكێشى زانكۆیێ و قۆتابییان كرییه‌.