<< نووچەیێن

زانكۆیا زاخۆ پێشانگه‌هه‌ك په‌رتووكان ڤه‌كر

12 December 2016

ل ڕۆژا دووشه‌مبێ ڕێكه‌ڤتى 12/12/2016 لده‌مژمێر (10:00) سپێدێ، ب ئاماده‌بوونا به‌رێز پرۆفیسۆرێ هاریكار دكتۆر (لزگین عبدى جمیل) سه‌رۆكێ زانكۆیا زاخۆ و به‌رێز پرۆفیسۆرێ هاریكار دكتۆر (یاسین طه مصطفى) هاریكارێ سه‌رۆكێ زانكۆیێ بۆ كاروبارێن زانستى و خواندنا بلند و به‌رێز پرۆفیسۆر دكتۆر (عبدالوهاب خالد موسى) هاریكارێ سه‌رۆكێ زانكۆیا زاخۆ بۆ كاروبارێن قۆتابییان و ڕاگرێن كۆلیژ و فه‌كۆلتیان و سه‌رۆكێن پشكێن خواندنێ و مامۆستا و قۆتابییان، پێشانگه‌هه‌ك په‌رتووكان ب هه‌ڤكارى دگه‌ل سازییا (دار الزمان) یا چاپ و به‌لاڤكرنێ ل فه‌كۆلتیا زانستێن مرۆڤایه‌تى هاته‌ ڤه‌كرن.

هه‌ژییه‌ بێژین، ل پێشانگه‌ها په‌رتووكان په‌رتووك ب هه‌ر سێ زمانێن كوردى، عه‌ره‌بى و ئینگلیزى هه‌نه‌، هه‌روه‌سا ب ڕێژه‌یا (25%) داشكاندن د بوهایێ په‌رتووكاندا هه‌یه‌، ل دووماهییێ فه‌ره‌ بێژین كو ماوه‌یێ پێشانگه‌هێ (10) ڕۆژن.