<< نووچەیێن

زانكۆيا زاخۆ پله‌يا ئێكێ د قاره‌مانێدا بده‌ستڤه‌هينا

17 April 2017

ل ڕۆژا دووشه‌مبێ ڕێكه‌ڤتى 17/4/2017 لده‌مژمێر (10:00) سپێدێ ب ئاماده‌بوونا به‌رێز پرۆفیسۆرێ هاریكار دكتۆر (شێرزاد زه‌كه‌ریا محه‌مه‌د) ڕاگرێ فه‌كولتیا په‌روه‌ردێ و به‌رێزان مامۆستا و قۆتابیێن زانكۆیا زاخۆ، لژێر دوریشمێ (ئالایێ كوردستانێ هه‌ر به‌رز و بلند بیت) ئێكه‌مین قاره‌مانییا خۆلێدانا (ئازاد و ڕۆمانى) ل هۆلا وه‌رزشى ل زانكۆیا زاخۆ هاته‌ گێران.
لده‌ستپێكێ تیما تایكواندۆیا باژێرێ زاخۆ چه‌ندین نمایشێن وه‌رزشى یێن ب ڕێك و پێك ئه‌نجامدان و پاشان قاره‌مانییا خۆلێكدانێ دناڤبه‌را هه‌ر پێنج تیماندا ده‌ستپێكر. پشتى هه‌ڤركییه‌ك دژوار و یاریه‌ك خورت دناڤبه‌را یاریكه‌راندا هاتییه‌ ئه‌نجامدان، تیما زانكۆیا زاخۆ شیا ل ڕێزا ئێكێ بهێت و قاره‌مانییێ بده‌ستخۆڤه‌بینت. هه‌ژییه‌ بێژین كو پێنج تیمان پشكدارى د ئه‌ڤێ قاره‌مانێدا كربوو، ئه‌و ژى تیمێن:
1ـ زانكۆیا زاخۆ
2ـ زانكۆیا نه‌ورۆز
3ـ په‌یمانگه‌ها وه‌رزشى ل زاخۆ
4ـ یانا زاخۆ یا وه‌رزشى
5ـ بنگه‌هێ وه‌رزش و لاوان ل زاخۆ
لدووماهییێ تیمێن سه‌ركه‌ڤتى یێن ل ڕێزا ئێكێ، دووێ، سێیێ و چوارێ ژلایێ به‌رێز ڕاگرێ فه‌كۆلتیا په‌روه‌ردێ ل زانكۆیا زاخۆ هاتنه‌ خه‌لاتكرن.