<< نووچەیێن

وه‌زاره‌تا خواندنا بلند ده‌مێ پێشكێشكرنێ بۆ وه‌رزێ هاڤینێ یێ خواندنا بلند ماسته‌ر و دكتۆرایێ ڕادگه‌هینت

17 April 2017

ڕێڤه‌به‌ریا ڕاگه‌هاندنا وه‌زاره‌تا خواندنا بلند و ڤه‌كۆلینێن زانستى:
وه‌زاره‌تا خواندنا بلند و ڤه‌كۆلینێن زانستى خوازیاریێن خواندنا بلند (ماسته‌ر و دكتۆرایێ) ئاگه‌هدار دكه‌ت، كو پرۆسێسا پێشكێشكرنێ بۆ خواندنا بلند (ماسته‌ر/ دكتۆرایێ) ل زانكۆیێن حكومى یێن هه‌رێما كوردستانێ بۆ وه‌رزێ هاڤینێ بۆ سالا خواندنێ (2016ـ2017) ڕادگه‌هینت.
د كۆمبوونا لیژنا بلند یا خواندنا بلند دا، كو هاریكارێن سه‌رۆكین سه‌رجه‌م زانكۆیان بۆ كاروبارێن زانستى و خواندنا بلند ئاماده‌ببوون. پشتى په‌سه‌ندكرنا پلانا زانكۆیان بۆ وه‌رزێ هاڤینێ بۆ خواندنا بلند (ماسته‌ر/دكتۆرایێ) ل زانكۆیێن حكومى یێن هه‌رێما كوردستانێ، د هه‌مان ده‌مدا نه‌خشه‌رێیێ خواندنا بلند ماسته‌ر و دكتۆرایێ (ده‌مێ پێشكێشكرنێ، ئه‌نجامدانا ئه‌زموونێ، شاندنا ئه‌نجامێن ده‌ستپێكى، ڕاگه‌هاندنا ئه‌نجامێن ده‌ستپێكى، ده‌مێ تۆماركرنا سكالا و نه‌رازیبوونان، ڕاگه‌هاندنا ئه‌نجامێن دووماهییێ، ڕۆژا ده‌ستپێكرنا ده‌واما وه‌رزێ هاڤینێ) په‌سه‌ندكرن.
بۆ دیتنا ڕێنمایێن خواندنا بلند و زانینا زانیاریێن زێده‌تر، سه‌ره‌دانا ئه‌ڤى لینكێ لخوارێ دیاركرى بكه‌ن:
http://www.mhe-krg.org/ku/node/3513