<< نووچەیێن

وه‌زاره‌تا خواندنا بلند ئێكه‌مین گرۆپێ كاندیێن سه‌ركه‌ڤتى یێن سكۆله‌رشیپێن وه‌لاتێ هه‌نگاریا ڕاگه‌هاند

18 June 2017

ڕێڤه‌به‌ریا ڕاگه‌هاندنا وه‌زاره‌تا خواندنا بلند و ڤه‌كۆلینێن زانستى:
وه‌زاره‌تا خواندنا بلند و ڤه‌كۆلینێن زانستى ئێكه‌مین گرۆپێ كاندیدێن سه‌ركه‌ڤتى یێن سكۆله‌رشیپان ڕاگه‌هاند، ژبه‌ر ئه‌ڤێ چه‌ندێ ڕێڤه‌به‌ریا شاندنێ ل وه‌زاره‌تا خواندنا بلند و ڤه‌كۆلینێن زانستى داخوازێ ژ كاندیدێن ناڤێن وان د لیستا هه‌ڤپێچدا هاتى دكه‌ت، كو د ماوه‌یێ دیاركریدا ڕێكێن داويێ يێن په‌سه‌ندكرنا سكۆله‌رشیپێ جێبجێ بكه‌ن.
پشتى كو وه‌زاره‌تا خواندنا بلند و ڤه‌كۆلینێن زانستى د چوارچووڤه‌یێ ڕێكه‌ڤتننامه‌یا دگه‌ل وه‌زاره‌تا شیانێن مرۆڤى یا وه‌لاتێ هه‌نگاریا (10 كورسیێن ماسته‌ر و 20 كورسیێن دكتۆرايێ) ڕاگه‌هاندین و ژماره‌یه‌كا زۆر یا فێرخوازان داخوازى پێشكێشكرى، د ئه‌نجامدا و پشتى وه‌رگرتنا هه‌مى دوكیۆمێنت و ب پرۆسێسكرنا دوكیۆمێنتان برێكا لیژنه‌یه‌كا تایبه‌ت، لیستا كاندیێن ڕه‌سه‌ن ژ لایێ وه‌زاره‌تا خواندنا بلند و ڤه‌كۆلینێن زانستى ڤه‌ هاته‌ ڕاگه‌هاندن، پاشان لیستا ناڤان بۆ حكومه‌تا وه‌لاتێ هه‌نگاریا هاته‌ شاندن ژ بۆ هندێ وه‌ك كاندیدێ دووماهییێ ژلایێ حكومه‌تا وه‌لاتێ هه‌نگاریا ڤه‌ بهێته‌ په‌سه‌ندكرن و وه‌رگرتن.
بۆ دیتنا ناڤێن كاندیدان و زانینا زانیاریێن زێده‌تر، سه‌ره‌دانا ئه‌ڤى لینكێ لخوارێ دیاركرى بكه‌ن:
http://www.mhe-krg.org/ku/node/3555