<< نووچەیێن

ڕێزبه‌ندیا زانكۆیا زاخۆ لسه‌ر ئاستێ جیهانێ هاته‌ گوهۆرین و پتر ژ پێنج هزار پله‌یان پێشڤه‌هات

01 August 2017

زانکۆیا زاخۆ ڕۆژ ب ڕۆژ لسه‌ر ئاستێ جیهانێ سه‌ركه‌ڤتنێن مه‌زن تۆماردكه‌ت و ده‌ستكه‌ڤتنێن پرى بوها بده‌ستڤه‌ دهینت، هه‌لبه‌ت ئه‌ڤ یه‌كه‌ ژى بۆ ته‌ڤایا ستافێ ئه‌كادیمیێ زانكۆیا زاخۆ و ب تایبه‌ت بۆ جه‌نابێ زۆر به‌رێز پرۆفیسۆرێ هاریكار دكتۆر (له‌زگین عه‌بدى جه‌میل) سه‌رۆكێ زانكۆیا زاخۆ دزڤریت، ژبه‌ركو د بوارێ زانین و زانستێدا پشته‌ڤانى و هاریكاریا خۆ بۆ گشت ستافێ ئه‌كادیمى یێ زانكۆیێ دیاركرییه‌.
ئه‌و ده‌نگۆباس و سه‌ركه‌ڤتنا ئه‌م دخوازن ڕابگه‌هینن ئه‌ڤه‌یه، كو ڕێزبه‌ندیا زانكۆیا زاخۆ بۆ ماوه‌یێ كێمتر ژ ساله‌كێ دوو جاران پێشكه‌ڤتییه‌ و سه‌ر ژ گه‌له‌ك زانكۆیێن جیهانێ ستاندییه‌ بۆ نموونه‌ ل مه‌ها (11) یا سالا (2016) ڕێزبه‌ندیا زانكۆیا زاخۆ (19046) بوو لسه‌ر ئاستێ جیهانێ، به‌لێ ل سالا (2017) و ل مه‌ها (2) ڕێزبه‌ندیا زانكۆیا زاخۆ (2328) پله‌یان پێشڤه‌هات بۆ (16718)ێ، هه‌روه‌سا ل مه‌ها (7) سالا (2017) گوهۆرینه‌ك بێ هه‌مپا و سه‌ركه‌ڤتنه‌ك مه‌زن هاته‌ تۆماركرن ئه‌و ژى ڕێزبه‌ندیا زانكۆیا زاخۆ (2793) پله‌يان پێشڤه‌هات و گه‌هشته‌ (13925)ێ، هه‌لبه‌ت ئه‌ڤ یه‌كه‌ ژى سه‌ركه‌ڤتنه‌ك دیرۆكییه‌ كو د ماوه‌یه‌كێ گه‌له‌ك كورتدا دوو جاران گوهۆرین د ڕێزبه‌ندیا زانكۆیه‌ك ده‌ستنیشانكریدا بهێته‌كرن و پێش بكه‌ڤیت.
هه‌ژى بالكێشییێیه‌، كو ڕێزبه‌ندیا زانكۆیا زاخۆ لسه‌ر ئاستێ وه‌لاتێ ئیراقێ ژى گوهۆرینه‌ك مه‌زن په‌یداكرییه‌ و سه‌ركه‌ڤتن بده‌ستڤه‌هینایه‌، ئه‌و ژى كو ژ ڕێزا (39) هاتییه‌ ڕێزا (32) یێ، هه‌لبه‌ت ئه‌ڤ یه‌كه‌ ژى ده‌ستكه‌ڤت و سه‌ركه‌ڤتنه‌ك بێ هه‌مپایه‌. زانكۆیا زاخۆ د سالا خواندنێ یا (2016ـ2017) دا چه‌ندین پرۆژه‌ و پرۆگرامێن نوى لسه‌ر ئاستێ جیهانێ داهێنان و ل زانكۆیێ و دناڤ قۆتابییان و سیسته‌مێ خواندنێدا پراكتیكرن، بۆ نموونه‌ (سیسته‌مێ به‌رنامه‌یێ ئۆنلاین، به‌لاڤكرنا ڤه‌كۆلینان ب شێوه‌یه‌كێ ئۆنلاین وه‌ك كۆڤارا زانكۆیا زاخۆ كو نوكه‌ ب شێوه‌یه‌كێ ئۆنلاین كاردكه‌ت، ڕاگه‌هاندنا ئه‌نجامێن قۆتابییان ب شێوه‌یه‌كێ ئۆنلاین، به‌رنامه‌یێ ستافێ پۆرتالى، ئه‌نجامدانا كۆنفرانسێن زانستى، سازكرنا ووركشۆپ و سمیناران و ئیمزاكرنا چه‌ندین پرۆتوكولێن زانستى ...هتد) له‌ورا ئه‌ڤ كاره‌ هه‌مى ب هه‌ڤرا هاریكاربوون، كو زانكۆیا زاخۆ سه‌ركه‌ڤتنان تۆماربكه‌ت و لسه‌ر ئاستێ جیهانێ ناڤوده‌نگییه‌كێ په‌یدابكه‌ت و میدیایێن ناڤخۆیى و جیهانى باسێ زانكۆیا زاخۆ بكه‌ن.
لدوماهییێ فه‌ره‌ بێژین، كو سه‌رۆكێ زانكۆیا زاخۆ پشته‌ڤانییه‌ك ته‌مام ل به‌رنامه‌یێ ئه‌لكترۆنییێ ئۆنلاین یێ زانكۆیا زاخۆ كر و ئه‌ڤ چه‌نده‌ ئێك ژ خالێن هه‌ر گرنگ یێن سه‌ركه‌ڤتنا زانكۆیا زاخۆ بوو.