<< نووچەیێن

په‌یڤدارێ وه‌زاره‌تا خواندنا بلند ئاگه‌هدارییا ده‌رچوویێن قۆناغا دوازدێ ئاماده‌یى دكه‌ت

09 August 2017

ڕێڤه‌به‌ریا ڕاگه‌هاندنا وه‌زاره‌تا خواندنا بلند و ڤه‌كۆلینێن زانستى:
په‌یڤدارێ وه‌زاره‌تا خواندنا بلند و ڤه‌كۆلینێن زانستى ئاگه‌هدارییا سه‌رجه‌م ده‌رچوویێن پۆلا دوازدێ ئاماده‌یى دكه‌ت، كو ژ بۆ وه‌رگرتنا زانیارییان ژبلى په‌یج و مالپه‌رێ فه‌رمى یێ وه‌زاره‌تێ پشتبه‌ستنێ لسه‌ر چ په‌یچ و هژمارێن دیتر یێن تۆرێن جڤاكى نه‌كه‌ن.
به‌رێز (عه‌بباس ئه‌كره‌م) په‌یڤدارێ وه‌زاره‌تا خواندنا بلند و ڤه‌كۆلینێن زانستى د داخویانییه‌كێدا ڕاگه‌هاند: ئه‌ڤه‌ ده‌مه‌كه‌ چه‌ندین په‌یج و مالپه‌ر ل تۆرێن جڤاكى زانیارى و ڕۆنكرنێن نه‌دورست ب ده‌رچوویێن قۆناغا دوازدێ ئاماده‌یى دده‌ن و باسێ تێكرایێ كۆنمره‌یا ل زانكۆ و په‌یمانگه‌هان دهێته‌ وه‌رگرتن دكه‌ن، ئه‌ڤ چه‌نده‌ ژى گۆمان و دلنه‌ره‌حه‌تییێ لده‌ڤ قۆتابییان په‌یدادكه‌ت، له‌ورا ئه‌م ب شێوه‌یه‌كێ فه‌رمى ڕادگه‌هینن كو ئه‌و زانیارى و ڕونكرنێن د په‌یج و مالپه‌رێن تۆرێن جڤاكیدا دهێنه‌ به‌لاڤه‌كرن نه‌ ژ دویر و نه‌ ژ نێزیك په‌یوه‌ندى ب وه‌زاره‌تا مه‌ ڤه‌ نینه‌ و هیچ بنه‌مایه‌كێ زانستى تێدا نینه‌ و دویرن ژ ڕاستییێ.
بۆ زانینا زانیارێن زێده‌تر، سه‌ره‌دانا ئه‌ڤى لینكێ لخوارێ دیاركرى بكه‌ن:
http://www.mhe-krg.org/ku/node/3576