<< نووچەیێن

وه‌رگرتنا قۆتابیيان بۆ سالا خواندنێ 2017 - 2018

13 August 2017

سیسته‌مێ ڕاسته‌وخۆ یێ زانكۆیى
زانكۆیا زاخۆ ڕادگه‌هینیت كو ئه‌ڤ پشكێن زانستى یێن (فه‌كۆلتى/ كۆلیژ) یێن سه‌ر ب زانكۆیا مه‌ ڤه‌ دێ ده‌رچوویێن قۆناغا دوازدێ (زانستى/وێژه‌یى) بۆ سالا خواندنى (٢٠١٧-٢٠١٨/ خولا ئێكێ و خولا دووێ ) وه‌رگریت. لدویڤ ئه‌ڤان مه‌رج و ڕێنمایێن لخوارێ دیاركرى:

1- پێدڤییه‌ قۆتابى خودان ڕه‌گه‌زنامه‌يا عێراقى بیت.
2- قۆتابى ده‌رچوویێ سالا خواندنێ (٢٠١٦-٢٠١٧) بیت.
3- ده‌رچوویێن قۆناغا دوازدێ یێن سالا خواندنێ (٢٠١٥-٢٠١٦) ژى دشێن پێشكێش بكه‌ن ب مه‌رجه‌كى ل چ زانكۆیه‌كا هه‌رێمێ (حكومی و كه‌رتێ تایبه‌ت) نه‌هاتبیته‌ وه‌رگرتن ل سالا خواندنێ (٢٠١٦-٢٠١٧).
4- ژیێ قۆتابى ژ (٣٠) سیهـ سالان پتر نه‌بیت و ئه‌و قۆتابیێن كۆنمرێ وان ژ (٨٠٪‏) پتر بیت مه‌رجێ ته‌مه‌نى ژێ ناگریت.
5- قۆتابیێن ده‌ڤه‌رێن كوردستانیێن ده‌رڤه‌ى سنورێ هه‌رێما كوردستانێ لدویڤ مه‌رجێن د خالێن (١،٢،٣،٤) هاتین دشێن داخوازا پێشكێشكرنێ بكه‌ن ب مه‌رجه‌كى قۆتابخانێن وان سه‌ر ب وه‌زاره‌تا په‌روه‌ردا حكومه‌تا هه‌رێما كوردستانێ ڤه‌ بن.
6- مه‌رجه‌ كۆنمرێ قۆتابى بۆ پێشكێشكرنا هه‌ر پشكه‌كا زانستى ژ (٦٥٪‏) كێمتر نه‌بیت.
7- بۆ مه‌رجێ وانه‌یێن پسپۆرى (دروس المفاضلة‌) قۆتابى دشێت بچیته‌ سه‌ر مه‌رج و ڕێنمایێن د ڕێبه‌رێ قۆتابيیاندا هاتین لسه‌ر مالپه‌رێ فه‌رمیێ زانكۆیێ.
8- قوتابیان مافی پێشكێشكرنێ بۆ چه‌ند پشك و زانكۆیێن جودا هه‌یه‌، ب مه‌رجێ ئه‌نجامدانا تاقیكرنا زانستى ل هه‌ر پشكه‌كێ ژ وان و ده‌رئه‌نجام دێ ل پشكا بلندترین كۆنمره‌ هێته‌ وه‌رگرتن.
9- مه‌رج نینه‌ هه‌ر قۆتابییه‌كێ پێشكێشكار بهێته‌ وه‌رگرتن، چونكى وه‌رگرتنا قۆتابى دێ لدویڤ هه‌ڤڕكییه‌كا عادیلانه‌ بیت و دێ كۆنمرێ وى یێ قۆناغا دوازدێ ب ڕێژا (٧٠٪‏) و ئه‌نجامێ تاقیكرنا وى یا ل پشكا زانستى ب ڕێژا (٣٠٪‏) بیت.
10- هه‌ر قۆتابییه‌كێ لدویڤ سیسته‌مێ وه‌رگرتنا ڕاسته‌وخۆ بهێته‌ وه‌رگرتن ب هیچ ڕه‌نگەكى ماف نامینیت پێشكێشى سیسته‌مێ وه‌رگرتنا (زانكۆ لاین) بكه‌ت.
11- هه‌ر قۆتابییه‌كێ لدویڤ سیسته‌مێ وه‌رگرتنا ڕاسته‌خۆ بهێته‌ وه‌رگرتن مافێ (دابه‌زین) و (ڤه‌گوهازتن) و (پشكێن ناڤخۆیى) نابیت.
12- هه‌ر قۆتابییه‌ك به‌رپسیاره‌ ژ ڕاستییا وان پێزانینێن د ده‌مێ پێشكێشكرنێدا دده‌ته‌ زانكۆیێ و به‌روڤاژییا هه‌ر پێزانینه‌كا شاش دێ قۆتابى توشى پێرابونێن یاسایى بیت.
13- زانكۆیا زاخۆ نه‌یا به‌رپرسیاره‌ ژ هه‌ر پێزانینه‌كا لدور سیسته‌مێ وه‌رگرتنا ڕاسته‌خۆیى دهێته‌ به‌لاڤكرن د تورێن جڤاكیدا یان هه‌ر جهه‌كێ دى و بتنێ یا به‌رپرسیاره‌ ژ وان پێزانین و ڕێنمایێن د مالپه‌ڕێ فه‌رمیێ زانكۆیێدا دهێنه‌ به‌لاڤكرن. (www.uoz.edu.krd).
14- ژ بۆ وه‌رگرتنا هه‌ر ڕێنمایه‌كا زێده‌تر قوتابى دشێت سه‌ره‌دانا مالپه‌ڕێ فه‌رمیێ زانكۆیا زاخۆ بكه‌ت باده‌كا (رێبه‌رێ وه‌رگرتنا قوتابیان بۆ سالا خواندنێ 2017 – 2018) (www.uoz.edu.krd).
15- پێشكێشكرن ب سیسته‌مێ (وه‌رگرتنا ڕاسته‌خۆیا زانكۆیى) ل زانكۆیا زاخۆ ب شێوێ ئه‌لكترۆنى لسه‌ر مالپه‌ڕێ فه‌رمیێ زانكۆیا زاخۆ (www.uoz.edu.krd) دێ ب لینكه‌كێ تایبه‌ت ل ڕۆژا سێشه‌مبى رێكه‌فتى (١٥/٨/٢٠١٧) هێته‌ ئه‌كتیڤكرن و قۆتابى لدویڤ ئه‌و پێزانینێن بنگه‌هیێن تێدا هاتین دشێن ڕاسته‌خۆ لسه‌ر مالپه‌ڕى داخوازێن وه‌رگرتنێ پێشكێش بكه‌ن.
16- دوماهی ژڤانێ پێشکێشکرنێ دێ ل رۆژا ئێکشەمبی بیت ڕێکەڤتی ١٠/٩/٢٠١٧ دەمژمێر (٥:٠٠ ) ی ئێڤاری.
17- پشتی داخوازێن قۆتابیيان ژ لایێ زانکۆیێڤە دهێنە ڤاڤارتن دێ قوتابی ب ڕێکا ( SMS) ەکێ ژ لایێ زانکۆیێڤەل ڕۆژێن (١١-٢٠١٧/٩/١٥) هیتە ئاگەهدارکرن لسەر لارینەبوون ب پشکداری د چاڤپێکەفتن و ژڤانێ تاقیکرنێدا و پێدڤییە قوتابی بەلگەنامێن پێدڤی ل گەل خۆ بینیت بۆ ڕۆژا چاڤپێکەڤتنێ، ئەو ژی ئەڤەنە:
• ڕەگەزناما بارێ شارستانی.
• کارتا زانیاریان.
• کارتا ئاهێن خوارنێ.
• پشتگیریا ئاکنجیبونێ.
• کارتا دەرچوونا قوتابی قوناغا(١٢).
• کارتا بەشداریا تاقیکرنێن قۆناغا (١٢).
• (٦) وێنيیێن ماملەتا ڕەنگاورەنگ.

تێبینی: پێدڤییە ئەڤ بەلگەنامێن قۆتابی د فایلەکێدا بهێنە پێشکێشکرن لگەل ( CD) یەکی کو هەمی بەلگە ل سەر د کۆپیکری بن.

خشتێ ناڤێن فه‌كۆلتى و كۆلیژ و پشكێن زانستى ل زانكۆیا زاخۆ لدویڤ سیسته‌مێ وه‌رگرتنا ڕاسته‌خۆ بۆ سالا خواندنێ (٢٠١٧-٢٠١٨) لینکێ خشتەی
لینکێ ڕێبەرێ وەرگرتنا قوتابیان بۆ سالا خواندنێ 2017 – 2018 لینکێ ڕێبەری

ژبو داگرتنا فۆرما پێدڤی, هیڤیە کلیک لسەر لینکێ دیارکری بکن لینکێ فۆرمی