<< نووچەیێن

ئاگه‌هداريه‌ك گرنگ بۆ ده‌رچوويێن پۆلا دوازدێ ئاماده‌يى

11 October 2017

ڕێڤه‌به‌ریا ڕاگه‌هاندنا وه‌زاره‌تا خواندنا بلند و ڤه‌كۆلینێن زانستى:
وه‌زاره‌تا خواندنا بلند و ڤه‌كۆلینێن زانستى ئاگه‌هداریا ده‌رچوویێن پۆلا دوازدێ ئاماده‌یى دكه‌ت، كو ژ بلى (په‌یج و مالپه‌رێ) فه‌رمیێ وه‌زاره‌تێ بۆ وه‌رگرتنا زانیاریان گوهداریا چ ژێده‌رێن دیتر نه‌كه‌ن و ئه‌و په‌یج و مالپه‌رێن گۆتن و زانیاریێن نه‌راست به‌لاڤه‌ دكه‌ن دێ ڕوبرویى دادگه‌هێ بن، ژبه‌ركو زانیاریێن نه‌دورست ده‌رباره‌ى وه‌رگرتنا قۆتابییان ل زانكۆ و په‌یمانگه‌هان پارڤه‌ دكه‌ن.
به‌رێز (عه‌باس ئه‌كره‌م) په‌یڤدارێ وه‌زاره‌تا خواندنا بلند و ڤه‌كۆلینێن زانستى د داخویانییه‌كێدا ڕاگه‌هاند: ماوه‌یه‌كه‌ چه‌ندین په‌یج و مالپه‌ر د تۆرێن كۆمه‌لایه‌تیدا زانیارى و ڕۆنكرنێن نه‌دورست ده‌رباره‌ى وه‌رگرتنا قۆتابییان ل زانكۆ و په‌یمانگه‌هان به‌لاڤه‌ دكه‌ن، ژبه‌ر ئه‌ڤێ چه‌ندێ ئه‌م وه‌ك وه‌زاره‌ت ڕادگه‌هینن كو ئه‌وان په‌یج و مالپه‌ران نه‌ ژ دویر و نه‌ ژ نیزیك چ په‌یوه‌ندى ب وه‌زاره‌تا خواندنا بلند و ڤه‌كۆلینێن زانستیڤه‌ نینه‌ و ئه‌و زانیاریێن به‌لاڤه‌ دكه‌ن چ بنه‌مایێن زاستى و دورست نینن، ژبه‌ر ئه‌ڤێ چه‌ندێ وه‌زاره‌ت دێ ل دادگه‌هێ دوسێيه‌كا یاسایى لسه‌ر ئه‌وان په‌یجان ڤه‌كه‌ت.
په‌یڤدارێ وه‌زاره‌تێ ئه‌ڤ چه‌نده‌ ژى ڕاگه‌هاند: كو بتنێ ب ڕێكا وه‌زاره‌تێ و ڕاگه‌هاندنێن فه‌رمى و داخویانیێن په‌یڤدار و به‌لاڤه‌كریێن وه‌زاره‌تێ د مالپه‌رێ وه‌زاره‌تێ ئه‌وێ ب ناڤونیشانێ (www.mhe-krg.org) و لاپه‌رێ فه‌رمیێ وه‌زاره‌تێ ل تۆرا جڤاكى یا فه‌یسبوكى (www.facebook.com/mhekrg) زانیاریان وه‌ربگرن، ژبه‌ركو ئه‌و كه‌نالێن فه‌رمى یێن وه‌زاره‌تێ نه‌.
بۆ زانینا زانیاریێن زێده‌تر، سه‌ره‌دانا مالپه‌رێ فه‌رمیێ وه‌زاره‌تا خواندنا بلند و ڤه‌كۆلینێن زانستى بكه‌ن.