<< نووچەیێن

سه‌رۆكێ زانكۆیا زاخۆ پێشه‌وازى ل ئه‌كادیمیسته‌كێ ئه‌مریكى و ڤه‌كۆله‌ره‌كێ كورد كر

05 December 2017

ل ڕۆژا سێشه‌مبێ ڕێكه‌ڤتى (5/12/2017) به‌رێز پرۆفیسۆرێ هاریكار دكتۆر (له‌زگین عه‌بدى جه‌میل) سه‌رۆكێ زانكۆیا زاخۆ پێشه‌وازى ل به‌رێز (ستافورد كلیرى) ئه‌كادیمیستێ ئه‌مریكى و دوستێ گه‌لێ كورد و به‌رێز (ئامه‌د ده‌میرهان) پسپۆر و ڤه‌كۆله‌ر ژ باكوورێ كوردستانێ و شاندێ دگه‌لدا كر.
لده‌ستپێكێ به‌رێزان ب هه‌ڤرا دگه‌ل چه‌ندین ئه‌ندامێن جڤاتا زانكۆیێ كۆمبوونه‌ك ل سه‌رۆكایه‌تییا زانكۆیێ سازكرن و د كۆمبوونا خۆ دا ب ئاوایه‌كێ تێر ته‌سه‌ل باسێ پرسگرێك و ڕه‌وشا كوردستانى و په‌یوه‌ندیێن دناڤبه‌را هه‌ولێر و به‌غدایێدا كرن، هه‌روه‌سا د كۆمبوونا خوه‌ دا ته‌كه‌زى ل زمانێ دیالۆگێ و خورتكرنا په‌یوه‌ندییان لسه‌ر بنه‌مایێ ده‌ستوورى دناڤبه‌را حكومه‌تا هه‌رێما كوردستانێ و حكومه‌تا عیراقێدا كرن. پاشان كۆمبوون ب داوى هات و لده‌مژمێر (11:30) سپێدێ دیبه‌یته‌ك ڤه‌كرى ل فه‌كۆلتیا زانستێن مرۆڤایه‌تى ل هۆلا (خه‌لیل خه‌یالى) بۆ مێهڤانێن زانكۆیێ به‌رێزان (ستافورد و ئامه‌د ده‌میرهان) لژێر ناڤونیشانێ (پێشێلكاریێن ده‌ستوورى یێن حكومه‌تا عیراقێ ل هه‌مبه‌ر گه‌لێ كوردستانێ) ب ئاماده‌بوونا مامۆستا و قۆتابییان هاته‌ لدارخستن. د دیبه‌یتێدا ب ئاوایه‌كێ ل هه‌ڤهاتى ده‌ستوورێ عیراقێ هاته‌ ناساندن، هه‌روه‌سا چه‌ندین خال و بڕگه‌یێن ده‌ستوورى شرۆڤه‌كرن.
لدووماهییێ ده‌رگه‌هێ دانوستاندنێ بۆ ئاماده‌بوویان هاته‌ ڤه‌كرن و ژ ئالیێ خۆ ڤه‌ مامۆستا و قۆتابییان چه‌ندین خال و ته‌وه‌رێن گرنگ ئازراندن و دانوستاندنه‌ك به‌رفره‌هـ لسه‌ر ده‌ستوورێ عیراقێ و پێشێلكاریان ئه‌نجامدان.