<< نووچەیێن

مالپه‌رێ زانكۆيا زاخۆ دووه‌مين مالپه‌ره‌ لسه‌ر ئاستێ زانكۆيێن هه‌رێما كوردستانێ

30 December 2017

سه‌نته‌رێ ته‌كنۆلۆژیا زانیارى و ئامارێ (ICT) نووچه‌یه‌ك گرنگ سه‌باره‌ت ڕێزبه‌ندیا مالپه‌رێ زانكۆیا زاخۆ لسه‌ر ئاستێ مالپه‌رێن زانكۆیێن هه‌رێما كوردستانێ لسه‌ر ئاستێ عيراقێ به‌لاڤه‌ دكه‌ت، ئه‌و نووچه‌یه‌ ژى ئه‌ڤه‌یه‌ كو لدویڤ ڕێزبه‌ندیا كۆمپانیا (Alexa) یا جیهانى بۆ ڕێزبه‌ندیا مالپه‌ران، مالپه‌رێ فه‌رمیێ زانكۆیا زاخۆ (www.uoz.edu.krd) لسه‌ر ئاستێ مالپه‌رێن ته‌ڤایا زانكۆیێن هه‌رێما كوردستانێ ل ڕێزا دوویێ هاتییه‌ و ئێك ژ باشترین و پڕ خوینه‌رترین مالپه‌ره‌ و بۆ يه‌كه‌مين جاره‌ مالپه‌رێ زانكۆيا زاخۆ دگه‌هيته‌ ئه‌ڤى ئاستێ پێشكه‌ڤتى. هه‌روه‌سا ئه‌ڤه‌ یه‌ك ژى هاتییه‌ دیاركرن، كو مالپه‌رێ فه‌رمیێ زانكۆیا زاخۆ خزمه‌ت و زانیاریێن هه‌ره‌باش و باوه‌رپێكرى ب هه‌ر سێ زمانێن (كوردى، ئینگلیزى و عه‌ره‌بى) پێشكێشى خوانده‌ڤانان دكه‌ت.
لدوماهییێ، ئه‌م وه‌ك ڕیڤه‌به‌رى و ستافێ سه‌نته‌رێ ته‌كنۆلۆژیا زانیارى و ئامارێ ئه‌ڤێ سه‌ركه‌ڤتنێ ل ته‌ڤایا ستافێ زانكۆیا زاخۆ پیرۆز دكه‌ن و دخوازن د گشت كاراندا دگه‌ل مه‌ هه‌ڤكار و پشته‌ڤان بن، ژ بۆ هندێ ئه‌م ڕێزبه‌ندیا خۆ ب به‌رده‌وامى پێشبێخن و سه‌ركه‌ڤتنێن مه‌زنتر بده‌ستڤه‌بهینن.
تێبينى: ڕێزبه‌نديا مالپه‌رێن گشت زانكۆيان د وێنه‌يێن لخوارێدا دياردبيت: