<< نووچەیێن

ل زانكۆیا زاخۆ كۆنفرانسه‌ك لدور كۆمارا كوردستانێ هاته‌ گێران

22 January 2018

ل ڕۆژا دووشه‌مبێ ڕێكه‌ڤتى (22/1/2018) لده‌مژمێر (11:00) سپێدێ ب ئاماده‌بوونا به‌رێز پرۆفیسۆرێ هاریكار دكتۆر (لزگین عبدى جمیل) سه‌رۆكێ زانكۆیا زاخۆ و به‌رێزان هاریكارێن سه‌رۆكێ زانكۆیێ، ڕاگرێن كۆلیژ و فه‌كۆلتیان، كه‌سایه‌تیێن سیاسى و ڕۆژنامه‌ڤان، مامۆستا و قۆتابیێن زانكۆیێ سه‌نته‌رێ زاخۆ بۆ ڤه‌كۆلینێن كوردى ب هه‌ماهه‌نگى دگه‌ل ده‌زگه‌هێ فه‌لسه‌فه‌یا كوردى (خوه‌ناس) و ڕێڤه‌به‌ریا گشتى یا ڕه‌وشه‌نبیرى و هۆنه‌رى ل باژێرێ زاخۆ ب هه‌لكه‌ڤتا (71) سالییا دامه‌زراندنا كومارا كوردستان ژ (مهاباد هه‌تا هه‌ولێر ڕامانا ده‌وله‌تبوونا كوردستانێ و ڕیفراندۆما سه‌رخوه‌بوونێ) كۆنفرانسه‌ك ل هۆلا (خه‌لیل خه‌یالى) ل فه‌كۆلتیا زانستێن مرۆڤایه‌تى سازكرن و به‌رێزێن ناڤێن وان دیاركرى (پ.هـ.د هۆگر تاهر ته‌وفیق ـ عه‌لى عه‌ونى ـ زینه‌ل ئابدین) دید و بۆچوونێن خۆ لسه‌ر كۆمارا كوردستانێ پيشكێشكرن، هه‌روه‌سا لدووماهییێ ده‌رگه‌هێ داندوستاندنێ هاته‌ڤه‌كرن و ئاماده‌بوویان بۆچوونێن خۆ لدور بابه‌تێ هاتيیه‌ ئازراندن ده‌ربرين.