<< نووچەیێن

زانكۆیا زاخۆ و زانكۆیا جیهان بریارا پێكهینانا دوو لیژنه‌یێن زانستى دان

30 January 2018

ل ڕۆژا دووشه‌مبێ ڕێكه‌ڤتى (29/1/2018) لده‌مژمێر (10:00) سپێدێ، شانده‌كێ ژ جڤاتا كۆلیژا كارگێرى و ئابۆرى ل زانكۆیا زاخۆ ب نوینه‌راتییا زانكۆیێ و ب سه‌رپه‌رشتیا به‌رێز پرۆفیسۆرێ هاریكار دكتۆر (ئه‌حمه‌د سه‌فار) ڕاگرێ كۆلیژێ سه‌ره‌دانا زانكۆیا جیهان ل باژێرێ دهۆكێ كرن و ژ ئالیێ ڕێزدار پرۆفیسۆرێ هاریكار دكتۆر (زێره‌ڤان عه‌بدولمه‌حسن) سه‌رۆكێ زانكۆیا جیهان ـ دهۆك و به‌رێز پرۆفیسۆر دكتۆر (سه‌عید ئیسماعیل سلێڤانه‌یى) ئه‌ندامێ ده‌سته‌یا ئه‌مینداریا زانكۆیا جیهان و جڤاتا زانكۆیا ناڤهاتى ب گه‌رمى هاتنه‌ پێشه‌وازیكرن. د ماوه‌یێ سه‌ره‌دانێدا هه‌ر دوو ئالیان كۆمبوونه‌ك ل سه‌رۆكایه‌تییا زانكۆیا جیهان لدور پرۆسێسا خواندنا بلند ل هه‌رێما كوردستانێ سازكرن و باسێ په‌یوه‌ندیێن زانستى و هه‌ماهه‌نگییا دناڤبه‌را هه‌ر دوو زانكۆیاندا كرن.
گرنگه‌ بێژین، كو ب مه‌ره‌ما پێشخستنا بوارێ زانستى و گه‌شه‌سه‌ندنا پرۆسێسا خواندنێ لده‌ڤه‌رێ هه‌ر دوو لايان بریارا دروستكرنا دوو لیژنه‌یێن زانستى كو ئێك ژلایێ زانكۆیا زاخۆ و ئێكه‌ دیتر ژ لایێ زانكۆیا جیهان دان. كارێ سه‌ره‌كى یێ ئه‌ڤان لیژنه‌یان دێ خورتكرنا په‌یوه‌ندیێن زانستى دناڤبه‌را هه‌ر دوو زانكۆیان و گێرانا سمینار، ووركشۆپ و كۆنفرانسێن تایبه‌ت بن، لدوماهییێ شاندێ زانكۆیا زاخۆ گه‌ریانه‌ك دناڤ پرۆژه‌یێ گۆندێ زانكۆیا جیهان ل باژێرێ دهۆكێ ئه‌نجامدان.