<< نووچەیێن

سه‌نته‌رێ ته‌كنۆلۆژیا زانیارى و ئامارێ پیرۆزباهییێ ل ستافێ ئه‌كادیمیێ زانكۆیێ دكه‌ت

16 January 2018

سه‌نته‌رێ ته‌كنۆلۆژیا زانیارى و ئامارێ (ICT) بخوه‌شحالیڤه‌ پیرۆزباهییێ ل ته‌ڤایا ستافێ ئه‌كادیمییێ زانكۆیا زاخۆ ب هه‌لكه‌ڤتا دابینكرنا هێله‌كا ئه‌نته‌رنێتێ یا هه‌ره‌باش دكه‌ت، ئه‌و ژى هێلا (فایبه‌ر) ییه‌، كو ئه‌ڤه‌ بۆ ماوه‌یێ چه‌ند هه‌یڤان بوو ب به‌رده‌وامى دناڤ و ده‌رڤه‌یى زانكۆیێدا كار لسه‌ر دهاته‌كرن. له‌ورا پشتى قۆناغێن كاركرنێ بدوماهیك هاتین نها خزمه‌تگۆزاریا ئه‌نته‌رنێتا (هێلا فایبه‌رى) ب كوالێتییه‌كا هه‌ره‌باش و پێشكه‌ڤتى و بله‌زاتییه‌كا بێ هه‌مپا كو پێنج جاران ژ تۆرا به‌ریى نها دناڤ زانكۆیێدا هه‌یى كار و ئه‌كتیڤتره‌ لبه‌رده‌سته‌.
ژ به‌ر ئه‌ڤێ یه‌كێ، سه‌نته‌رێ ته‌كنۆلۆژیا زانیارى و ئامارێ داخوازێ ژ مامۆستا، فه‌رمانبه‌ر و قۆتابیێن زانكۆیێ دكه‌ن، كو هه‌ر یه‌ك ب ئه‌كوانتێ خۆ یێ تایبه‌ت ده‌ربازى ناڤ هێلا ئه‌نته‌رنێتێ ببیت و خزمه‌تگۆزارییه‌ك هه‌ره‌باش بده‌ستڤه‌بهینت، هه‌روه‌سا هه‌ر كه‌سێ ئه‌كوانت ژى نه‌بیت، گرنگه‌ ل ڕۆژا ئێكشه‌مبێ ڕێكه‌ڤتى (21/1/2018) سه‌ره‌دانا ڕێڤه‌به‌ریا سه‌نته‌رێ ته‌كنۆلۆژیا زانیارى و ئامارێ ل نهۆمێ ئێكێ ل سه‌رۆكایه‌تییا زانكۆیێ بكه‌ت و ئه‌كوانته‌ك تایبه‌ت بۆ خۆ دروست بكه‌ت.
تێبينى:
ئه‌كاوانتێ مامۆستايان: (Uoz.edu.krd (8Mbps
ئه‌كوانتێ ستافى (فه‌رمانبه‌ر): (Staff.uoz.edu.krd (4Mbps@
ئه‌كوانتێ قۆتابييان: (Stud.uoz.edu.krd (4Mbps@
ئه‌كوانتێ مێهڤانان: Guest (0,5Mbps)