<< نووچەیێن

زانكۆيا زاخۆ مێهڤانداريا قاره‌مانييا زانكۆيێن هه‌رێما كوردستانێ كر

04 February 2018

ل ڕۆژا ئێكشه‌مبێ ڕێكه‌ڤتى (4/2/2018) لده‌مژمێر (10:30) سپێدێ ب ئاماده‌بوونا به‌رێز پرۆفیسۆرێ هاریكار دكتۆر (لزگین عبدى جمیل) سه‌رۆكێ زانكۆیا زاخۆ و هاریكارێن سه‌رۆكێ زانكۆیێ و ڕاگرێن كۆلیژ و فه‌كۆلتیان و مامۆستا قوتابیێن زانكۆیێ، فه‌كۆلتیا په‌روه‌ردێ (هۆله‌كا له‌شجوانیێ) دناڤ كه‌مپێ زانكۆیێدا ڤه‌كرن. پاشان لژێر چاڤدێریا ڕاسته‌وخۆ یا سه‌رۆكێ زانكۆیێ ڕێوره‌سمێن ده‌ستپێكرنا قاره‌مانییا باسكتبۆلا (كوڕان) یا هه‌لبژارتیێن زانكۆیێن هه‌رێما كوردستانێ ل هۆلا وه‌رزشى ب پشكداریا چوار زانكۆیان (زاخۆ، دهۆك، سۆران، زانكۆیا ئه‌مریكا ل سلێمانى) ده‌ستپێكر. هه‌ژييه‌ بێژين كو ياريا ئێكێ ژ قاره‌مانييێ دناڤبه‌را هه‌لبژارتيێ زانكۆيا زاخۆ و زانكۆيا ئه‌مريكى ـ سلێمانى دا هاته‌كرن و د ئه‌نجامدا زانكۆيا زاخۆ كارى ب (110) خالان به‌رامبه‌ر (56) خالان سه‌ربكه‌ڤيت، هه‌روه‌سا ياريا دووێ ژ قاره‌مانيێ دناڤبه‌را هه‌لبژارتيێ زانكۆيا دهۆك و هه‌لبژارتيێ زانكۆيا سۆران دا هاته‌ ئه‌نجامدان و زانكۆيا دهۆك شيا ب (72) خالان به‌رامبه‌ر (60) خالان سه‌ركه‌ڤتنێ تۆمار بكه‌ت.