<< نووچەیێن

كارێن لیژنه‌یا بلند یا هویربینیێ د مووچه‌یێن وه‌زاره‌تا خواندنا بلند دا ده‌ستپێكرن

01 February 2018

ڕێڤه‌به‌ریا ڕاگه‌هاندنا وه‌زاره‌تا خواندنا بلند و ڤه‌كۆلینێن زانستى:
ب ئارمانجا هویربینیێ د مۆوچه‌یێن مامۆستا و فه‌رمانبه‌رێن وه‌زاره‌تا خواندنا بلند و ڤه‌كۆلینێن زانستى یێن هه‌رێما كوردستانێدا لیژنه‌یا بلند یا هویربینیێ د مووچه‌یاندا كو ژ ئالیێ حكومه‌تا عیراقێ هاتییه‌ پێكهینان كارێن خۆ ل وه‌زاره‌تا خواندنا بلند ده‌ستپێكرن.
ب گه‌هشتنا شاندێ حكومه‌تا ئیراقێ ب سه‌رۆكایه‌تییا دكتۆر (محه‌مه‌د عه‌بد عه‌تیه‌ سه‌راج) بریكارێ وه‌زاره‌تا خواندنا بلند و ڤه‌كۆلینێن زانستى یێ حكومه‌تا عیراقێ ب گه‌رمى ژ لایێ ڕاوێژكار و ڕێڤه‌به‌رێن گشتییێن دیوانا وه‌زاره‌تێ هاتنه‌ پێشه‌وازیكرن. پاشان د دیداره‌كێدا دگه‌ل به‌رێز دكتۆر (یوسف گۆران) وه‌زیرێ خواندنا بلند و ڤه‌كۆلینێن زانستىى یێ حكومه‌تا هه‌رێما كوردستانێ دانوستاندن ده‌رباره‌ى ڕه‌وشا خواندنا بلند ل عیراق و كوردستانێ كرن، هه‌روه‌سا باس ل چاوانییا خورتكرنا په‌یوه‌ندیێن زانستى دناڤبه‌را هه‌ر دوو لایاندا هاته‌كرن.
د ئه‌ڤێ دیدارێدا كو ل ڕۆژا پێنجشه‌مبێ ڕێكه‌ڤتى (1/2/2018) ڕاوێژكار و ڕێڤه‌به‌رێن گشتییێن دیوانا وه‌زاره‌تا خواندنا بلند و ڤه‌كۆلینێن زانستى ل هه‌رێما كوردستانێ و ئه‌ندامێن لیژنه‌یا هویربینیێ د مووچه‌یێ فه‌رمانبه‌رێن وه‌زاره‌تا خواندنا بلندا ئاماده‌ببوون و دانوستاندن لدور سێكته‌رێن جوداجودا یێن خواندنا بلند و چاوانییا په‌ره‌پێدانێ كرن.
بۆ زانینا زانیاریێن زێده‌تر، سه‌ره‌دانا مالپه‌رێ وه‌زاره‌تا خواندنا بلند و ڤه‌كۆلینێن زانستى بكه‌ن.