<< نووچەیێن

زانكۆیا زاخۆ قاره‌مانییا باسكتبۆلا زانكۆیێن هه‌رێما كوردستانێ بده‌ستخۆڤه‌ئینا

07 February 2018

ل ڕۆژا چوارشه‌مبێ ڕێكه‌ڤتى (7/2/2018) ب ئاماده‌بوونا به‌رێز پرۆفیسۆرێ هاریكار دكتۆر (لزگین عبدى جمیل) سه‌رۆكێ زانكۆیا زاخۆ و به‌رێزان هه‌رێمدار و سه‌رۆكێ باژێرڤانییا زاخۆ و هاریكاریێن سه‌رۆكێ زانكۆیێ و ڕاگرێن كۆلیژ و فه‌كۆلتیان و مامۆستا و قۆتابیێن زانكۆیێ، یاریا دووماهیێ ژ قاره‌مانییا باسكتبۆلا (كوڕان) لسه‌ر ئاستێ زانكۆیێن هه‌رێما كوردستانێ ل هۆلا وه‌رزشیا زانكۆیێ دناڤبه‌را (زانكۆیا زاخۆ و زانكۆیا دهۆك) دا هاته‌ ئه‌نجامدان.
یاریێ ب گیانه‌كێ وه‌رزشى ده‌ستپێكر و هه‌ڤركییه‌ك دژوار لسه‌ر برنا ناسناڤێ خۆلێ دناڤبه‌را هه‌ر دوو تیماندا هاته‌كرن، به‌لێ د ئه‌نجامدان زانكۆیا زاخۆ شیا ب (76) خالان لبه‌رامبه‌ر (51) خالان سه‌ركه‌ڤتنێ لسه‌ر زانكۆیا دهۆك تۆمار بكه‌ت و ببت قاره‌مانا باسكتبۆلا زانكۆیێن هه‌رێمێ.
لدووماهیێ دیارى و سوپاسنامه‌ لسه‌ر زانكۆیێن پشكدار و دادڤانێن خۆلێ و سه‌رپه‌رشتیاران و باشترین یاریكه‌رێ خۆلێ هاتنه‌ دابه‌شكرن و پیرۆزباهى ل زانكۆیێن به‌شداربوویى د قاره‌مانییا باسكتبۆلا كوڕان دا هاتنه‌كرن.