<< نووچەیێن

سه‌رۆكایه‌تییا پشكا زمانێ كوردى ڕۆژا جیهانییا زمانێ دایك ساخكر

21 February 2018

ل ڕۆژا چوارشه‌مبێ ڕێكه‌ڤتى (21/2/2018) ب ئاماده‌بوونا به‌رێز پرۆفیسۆرێ هاریكار دكتۆر (لزگین عبدى جمیل) سه‌رۆكێ زانكۆیا زاخۆ و به‌رێز پرۆفیسۆر دكتۆر (عبدالوهاب خالد موسا) هاریكارێ سه‌رۆكێ زانكۆیا زاخۆ بۆ كاروبارێن قوتابییان و مامۆستا و قوتابیێن زانكۆیێ، سه‌رۆكایه‌تییا پشكا زمانێ كوردى ب چه‌ندین كار و چالاكیان ڕۆژا جیهانییا (زمانێ دایك) ساخكرن.
لده‌ستپێكێ ئاماده‌بوویان وه‌ك ڕێزگرتن خۆله‌كه‌كا بێده‌نگیێ لسه‌ر گیانێ ته‌ڤایا جانگۆریێن بزاڤا ڕزگاریخوازا گه‌لێ كورد ڕاوه‌ستیان، پاشان قوتابیێن قۆناغا چوارێ یێن پشكا زمانێ كوردیێ ده‌ست ب كارێ خۆ كرن و ئینفۆگرافییه‌ك تایبه‌ت لسه‌ر ڕه‌وش و دیرۆكا زمانى و زمانێ كوردى ب تایبه‌تى نمایشكرن، هه‌روه‌سان چه‌ندین پۆسته‌ر و نڤێسینێن ب زمانێ كوردى كو ب دیتنا وان شاشى تێدا هه‌بوون پێشاندان و دید و بۆچوونێن خۆ لسه‌ر ده‌ربرین، گرنگه‌ بێژین كو برگه‌یا دووماهییێ بۆ خواندنا به‌یاننامه‌یا قوتابیێن پشكا زمانێ كوردى هاتبوو ته‌رخانكرن، قوتابییان د به‌یاننامه‌یا خۆ دا چه‌ندین خالێن گرنگ ده‌رباره‌ى زمانێ كوردى ئازراندن و داخوازكرن كو به‌یاننامه‌یا وان بگه‌هت جهێن په‌یوه‌ندیدار و كار لسه‌ر بهێته‌كرن.
هه‌ژییه‌ بێژین، كو ڕۆژا جیهانییا زمانێ دایك ژ ئالیێ ڕێكخراوا جیهانى (یونیسكو) هاتییه‌ دیاركرن و سالانه‌ ل ڕێكه‌ڤتى (21/2) لسه‌رتاسه‌رى جیهانێ كۆر و كۆنفرانس دهێنه‌ سازكرن و پسپۆرێن زمانى به‌یاننامه‌یێن تایبه‌ت لدور ڕه‌وشا زمانان به‌لاڤه‌ دكه‌ن.