<< نووچەیێن

فه‌كۆلتیا په‌روه‌ردێ قاره‌مانییه‌كا ته‌پا پێیى بۆ 16 تیمان ڤه‌كر

27 February 2018

ب هه‌لكه‌ڤتا بیره‌وه‌ریێن ئادار و نه‌ورۆزێ و ب مه‌ره‌ما پشته‌ڤانیكرنا بزاڤا وه‌رزشى ل ده‌ڤه‌را زاخۆ، فه‌كۆلتیا په‌روه‌رده‌ (پشكا وه‌رزشێ) ل زانكۆیا زاخۆ قاره‌مانییه‌كا ته‌پا پێیى بۆ (16) تیمێن قۆتابخانه‌یێن ئاماده‌یى ل سنۆرێ په‌روه‌رده‌یا قه‌زا زاخۆ ڕێكخست و دێ سه‌رپه‌رشتیێ لسه‌ر قاره‌مانیێ كه‌ت. گرنگه‌ بێژین، كو قاره‌مانى دێ ب شێوازێ (كه‌ڤتنا تیمان ل هه‌مبه‌ر یه‌ك) هه‌ر ژ ڕۆژا سێشه‌مبێ ڕێكه‌ڤتى (27) شۆباتێ هه‌تا ڕۆژا دووشه‌مبێ ڕێكه‌ڤتى (12) ئادارا 2018 هێته‌ ئه‌نجامدان.
لدووماهیێ، فه‌ره‌ بهێته‌ گۆتن كو به‌رێز پرۆفیسۆرێ هاریكار دكتۆر (ِشێرزاد زه‌كه‌ریا محه‌مه‌د) ڕاگرێ فه‌كۆلتیا په‌روه‌ردێ پشته‌ڤانى و هه‌ڤكاریا خۆ بۆ سه‌رئێخستنا قاره‌مانیێ نیشاندا و داخوازا سه‌ركه‌ڤتنێ بۆ گشت تيمان خوازت.