<< نووچەیێن

ده‌زگه‌هێ خێرخوازیێ بارزانى دێ هاریكاریا قۆتابیێن زانكۆیا زاخۆ كه‌ت

28 February 2018

ل ڕۆژا دووشه‌مبێ ڕێكه‌ڤتى (26/2/2018) به‌رێز پرۆفیسۆر دكتۆر (عبدالوهاب خالد موسا) هاریكارێ سه‌رۆكێ زانكۆیا زاخۆ بۆ كاروبارێن قۆتابییان ب ئاوایه‌كێ فه‌رمى پشكدارى د ڕێوره‌سمێن ڤه‌كرنا پرۆژه‌یێ ده‌زگه‌هێ (خێرخوازیێ بارزانى) ل زانكۆیا دهۆك كر.
پرۆژه‌یێ ده‌زگه‌هى ژ به‌خشینا هاریكارییان كو ژ (كه‌ره‌سته‌یێ، خوانێ و یێن شویشتنێ) پێكدهێت و بریاره‌ ل هه‌فتیا داهاتى لسه‌ر قۆتابیێن زانكۆ و په‌یمانگه‌هێن هه‌رێما كوردستانێدا بهێنه‌ دابه‌شكرن. جهێ ئاماژه‌پێدانێیه‌، كو پرۆژه‌یێ ناڤهاتى دێ هاریكاریان بۆ (1405) قۆتابیێن زانكۆیا زاخۆ دابین كه‌ن و ل هه‌ڤتیا بهێت دێ هاریكارى گه‌هنه‌ زانكۆیێ. د ده‌رفه‌ته‌كێدا به‌رێز هاریكارێ سه‌رۆكێ زانكۆیێ په‌یڤه‌ك پێشكێشكر و د په‌یڤا خۆ دا سۆپاسیا ده‌زگه‌هێ خێرخوازى بۆ ئه‌نجامدانا كار و پرۆژه‌یێن وه‌ها گرنگ كر و ژ ده‌زگه‌هى خواست به‌رده‌وامییێ ب كارێن خۆ بده‌ن و هاریكاریا بزاڤا خواندنێ و قۆتابیێن زانكۆ و په‌یمانگه‌هان و گشت ته‌خ و چینێن جڤاكێ كوردى بكه‌ن، ژبه‌ركو د ده‌مێ نها دا كوردستانێ پێدڤى ب هاریكاریا ته‌ڤایا ڕێكخراو و سازیێن حكومى و كه‌رتێ تایبه‌ت هه‌یه‌.