<< نووچەیێن

زانكۆيا زاخۆ پشكدارى د كۆمبوونا كۆمخه‌باتا كۆرمانجيێدا كر

02 April 2018

ل ڕۆژا پێنجشه‌مبێ ڕێكه‌ڤتى (29/3/2018) به‌ریز پرۆفیسۆر دكتۆر (عبدالوهاب خالد موسا) هاریكارێ سه‌رۆكێ زانكۆیا زاخۆ بۆ كاروبارێن قۆتابییان و مامۆستایێ زمانناسیێ ب ئاوایه‌كێ فه‌رمى وه‌ك ئه‌ندام و پشكدارێ كۆمبوونێ به‌شدارى د كۆمبوونا (كۆمخه‌باتا كورمانجیێ) ئه‌وا سه‌ر ب وه‌قفا میزۆپۆتامیان ڤه‌ ل باژێرێ (دیاربه‌كر) ل باكوورێ كوردستانێ هاتییه‌ سازكرندا، كر.
جهێ ئاماژه‌پێدانێیه‌، كو كۆمبوون ب ئاماده‌بوونا چه‌ندین ڤه‌كۆله‌ر و كه‌سایه‌تییان لسه‌ر ئاستێ كوردستانا مه‌زن و وه‌لاتێن ئه‌ورۆپى هاته‌ گێران و مژارا سه‌ره‌كى یا كۆمبوونێ لدوور (فه‌رهه‌نگا تێرمێن زانستێ زمانى و فه‌رهه‌نگێن جۆراوجۆریا دیالێكتێن زمانێ كوردى) بوو. لدووماهیێ گرنگه‌ بێژین، كو ماوه‌یێ كۆمبوونێ پێنج ڕۆژن و هه‌تا ڕۆژا دووشه‌مبێ ڕێكه‌ڤتى (2/4/2018) كۆمبوونێ دێ به‌رده‌وام بيت.