<< نووچەیێن

فه‌كۆلتیا په‌روه‌ردێ ناسناڤێ قاره‌مانییا ته‌پاپێیى بده‌ستڤه‌هینا

26 March 2018

لژێر چاڤدێریا به‌رێز پرۆفیسۆرێ هاریكار دكتۆر (لزگین عبدى جمیل) سه‌رۆكێ زانكۆیا زاخۆ و ب ئاماده‌بوونا هاریكارێن سه‌رۆكێ زانكۆیێ و ڕاگرێن كۆلیژ و فه‌كۆلتیان و مامۆستا و قۆتابیێن زانكۆیێ، ل ڕۆژا دووشه‌مبێ ڕێكه‌ڤتى (26/3/2018) لده‌مژمێر (11:00) سپێدێ یاریا دووماهییێ ژ چوارچووڤه‌یێ قاره‌مانییا ته‌پاپیێى دناڤبه‌را تیما فه‌كۆلتیا زانستێن مرۆڤایه‌تى دگه‌ل تیما فه‌كۆلتیا په‌روه‌رده‌ ل یاریگه‌ها وه‌رزشییا زانكۆیا زاخۆ هاته‌ ئه‌نجامدان. پشتى هه‌ڤركییه‌كا دژوار لسه‌ر برنا ناسناڤێ قاره‌مانییێ هاتییه‌كرن، د ئه‌نجامدا تیما فه‌كۆلتیا په‌روه‌رده‌ ب سێ گۆلان ل به‌رامبه‌ر دوو گۆلان شیان سه‌ركه‌ڤتێ تۆماربكه‌ن و ب ناسناڤێ قاره‌مانییێ بهێنه‌ خه‌لاتكرن. هه‌ژییه‌ بێژین، كو قاره‌مانییا ناڤهاتى ژ ئالییێ فه‌كۆلتیا په‌روه‌رده‌ بۆ ته‌ڤایا فه‌كۆلتى و كۆلیژان لسه‌ر ئاستێ مامۆستا و فه‌رمانبه‌رێن زانكۆیێ هاتبوو ڕێكخستن.