<< نووچەیێن

سه‌رۆكێ زانكۆیا زاخۆ چه‌ژنا مه‌زنا كریستیانان پیرۆز كر

01 April 2018

ل ڕۆژا ئێكشه‌مبێ ڕێكه‌ڤتى (1/4/2018) به‌رێز پرۆفیسۆرێ هاریكار دكتۆر (لزگین عبدى جمیل) سه‌رۆكێ زانكۆیا زاخۆ ب مه‌ره‌ما پیرۆزكرنا چه‌ژنا (القیامه‌) چه‌ژنا مه‌زنا كریستیانان دگه‌ل شانده‌كێ بلندێ زانكۆیێ سه‌ره‌دانا مه‌ترانخانه‌یا زاخۆ و دێرا ئه‌رمه‌نان ل باژێرێ زاخۆ كرن، گرنگه‌ بێژین كو شاندێ زانكۆیێ ژ ئالیێ قه‌شه‌ و كه‌سایه‌تیێن مه‌ترانخانه‌ و دێرێ ب گه‌رمى هاته‌ پێشه‌وازیكرن.
جهێ ئاماژه‌پێدانێیه‌، كو د سه‌ره‌دانا خۆ دا هه‌ر دوو ئالیان ب ئاوایه‌كێ تێر و ته‌سه‌ل باسێ ڕه‌وشا هه‌رێما كوردستانێ و قۆناغێن ده‌ربازبوویى كرن، د ته‌وه‌ره‌كێ دیتر دا باسێ پێگڤه‌ژیانا گشت ئول و نه‌ته‌وه‌یان ل هه‌رێما كوردستانێ هاته‌كرن و هێڤیا ژیانه‌ك خۆش و ئارام بۆ هه‌مى تاكێن كوردستانێ هاته‌ خوازتن. لدووماهییێ سه‌رۆكێ زانكۆیێ دووباره‌ چه‌ژنا مه‌زنا كریستیانان پیرۆزكر و خوازت كو هه‌مى ڕۆژێن وان خوه‌شى و شادى بن.