<< نووچەیێن

فه‌كۆلتیا په‌روه‌ردێ ئێكه‌مین وه‌رزێ خۆ یێ ڕه‌وشه‌نبیرى گێرا

15 April 2018

ل ڕۆژا ئێكشه‌مبێ ڕێكه‌ڤتى (15/4/2018) لده‌مژمێر (10:00) سپێدێ، ب ئاماده‌بوونا به‌رێز پرۆفیسۆرێ هاریكار دكتۆر (له‌زگین عه‌بدى جه‌میل) سه‌رۆكێ زانكۆیا زاخۆ و به‌رێزان هاریكارێن سه‌رۆكێ زانكۆیێ، ڕاگرێن كۆلیژ و فه‌كۆلتیان، مامۆستا و مێهڤانێن ڕێزدار و قۆتابیێن زانكۆیێ، فه‌كۆلتیا په‌روه‌دێ ئێكه‌مین وه‌رزێ خۆ یێ ڕه‌وشه‌نبیرى گێرا.
لده‌ستپێكا وه‌رزى ئاماده‌بوویان وه‌ك ڕێز و وه‌فادارى خۆله‌كه‌كێ ب بێده‌نگى لسه‌ر گیانێ جانگۆریێن بزاڤا ڕزگاریخوازا گه‌لێ كورد ڕاوه‌ستیان، پاشان په‌نه‌لێن وه‌رزى ب په‌یڤا به‌رێز پرۆفیسۆرێ هاریكار دكتۆر (ستار جبار حاجى) سه‌رۆكێ پشكا ده‌روونناسییا گشتى ده‌ستپێكرن، به‌رێزى د په‌یڤا خۆ دا بخێرهاتنا گشت مێهڤان و ڤه‌خواندیێن وه‌رزێ ڕه‌وشه‌نبیرى كر، هه‌روه‌سا ئاماژه‌ ب گرنگى و ئارمانجێن سه‌ره‌كى یێن گێرانا وه‌رزێن ڕه‌وشه‌نبیرى دا و خوازت كارێن ژ ئه‌ڤى ڕه‌نگى ببن ڕێكخوه‌شكه‌ر ژ بۆ بزاڤا زانست و زانینێ و پێشخستنا ئاستێ زانكۆیێن هه‌رێما كوردستانێ و زانكۆیا زاخۆ ب تایبه‌تى.
پاشان په‌نه‌لێن وه‌رزێ ڕه‌وشه‌نبیرى كو ژ سێ سمیناران پێكهاتبوون ده‌ستپێكرن، و هه‌ر سمیناره‌ك لدویڤ ده‌م و ماوه‌یێ ده‌ستنیشانكرى هاته‌ پێشكێشكرن، هه‌روه‌سا لدووماهییا سمیناران ده‌رگه‌هێ دانوستاندنێ هاته‌ڤه‌كرن و ئاماده‌بوویان دیتن و نێرینێن خۆ لدوور بابه‌تێن هاتینه‌ ئازراندن ده‌ربرین. جهێ ئاماژه‌پێدانێیه‌، كو بڕگه‌یا دووماهییێ ژ ڕۆژا ئێكێ یا وه‌رزێ ڕه‌وشه‌نبیرى بۆ به‌خشینا سۆپاسنامه‌یان ب ڕێزدارێن سمینار پێشكێشكرین هاتبوو به‌رهه‌ڤكرن و ب ئه‌ڤێ چه‌ندێ ڕۆژا یه‌كێ ژ وه‌رزێ ڕه‌وشه‌نبیریێ فه‌كۆلتیا په‌روه‌ردێ بدووماهیك هات.
فه‌ره‌ بهێته‌گۆتن، كو وه‌رزێ ڕه‌وشه‌نبیریێ فه‌كۆلتیا په‌روه‌ردێ دێ بۆ ماوه‌یێ سێ ڕۆژان ب سمینار و په‌نه‌لێن جۆراوجۆر به‌رده‌وامیێ ب كار و چالاكیێن خۆ ده‌ت.