16 April 2018

فه‌كۆلتیا په‌روه‌ردێ ل زانكۆیا زاخۆ بۆ ڕۆژا دوویه‌مین به‌رده‌وامى ب كار و چالاكیێن خۆ یێن وه‌رزێ ئێكێ یێ ڕه‌وشه‌نبیرى دان، په‌نه‌ل و سمینارێن ڕۆژا دووێ لده‌مژمێر (10:00) سپیێدێ ب سمینارا به‌رێز دكتۆر (نۆره‌دین كتانه‌) ئه‌وا لژێر ناڤونیشانێ (خۆلا ژیانێ و گوهۆرینێن گرنگ د ژیانا مرۆڤیدا) ده‌ستپێكر. به‌رێزى سمینارا خۆ ب ئاوایه‌كێ هویربین و ب تێر و ته‌سه‌لى پێشكێشكر، پاشان ده‌رگه‌هێ دانوستاندنێ هاته‌ ڤه‌كرن و ئاماده‌بوویان دیتن و بۆچوونێن خۆ لدوور بابه‌تى ده‌ربرین. جهێ ئاماژه‌پێدانێیه‌ كو به‌شێ دوو ژ وه‌رزێ ڕه‌وشه‌نبیریێ فه‌كۆلتیا په‌روه‌ردێ بۆ نمایشكرنا شانۆگه‌ریا (توندوتیژى ل هه‌مبه‌ر ژن و زه‌لامان) ئه‌وا ژ ئالیێ مامۆستا (هۆشه‌نگ ئه‌كره‌م) هاتییه‌ ئاماده‌كرن و ب ڕۆل گێرانا قۆتابیێن قۆناغا سێیێ یێن پشكا ده‌رووونناسیا گشتى هاتییه‌ ئه‌نجامدان، هاتبوو ته‌رخانكرن.
پشتى نمایشا شانۆگه‌ریێ بدووماهیك هاتى، به‌رێز پرۆفیسۆرێ هاریكار دكتۆر (شێرزاد زه‌كه‌ریا محه‌مه‌د) ڕاگرێ فه‌كۆلتیا په‌روه‌ردێ سۆپاسنامه‌ ب به‌رێزێن په‌نه‌ل و شانۆگه‌رى پێشكێشكرین به‌خشین.