<< نووچەیێن

ووركشۆپه‌ك لدوور نویترین سیسته‌مێ په‌رتووكخانه‌یا زانكۆیێ هاته‌ گێران

04 May 2018

ل ڕۆژا پێنجشه‌مبێ ڕێكه‌ڤتى (3/5/2018) لده‌مژمێر (11:00) سپێدێ ب ئاماده‌بوونا به‌رێز پرۆفیسۆرێ هاریكار دكتۆر (له‌زگین عه‌بدى جه‌میل) سه‌رۆكێ زانكۆیا زاخۆ و به‌رێز پرۆفیسۆرێ هاریكار دكتۆر (یاسین تاها مسته‌فا) هاريكارێ سه‌رۆكێ زانكۆيێ بۆ كاروبارێن زانستى و خواندنا بلند و به‌رێز پرۆفیسۆر دكتۆر (عه‌بدولوه‌هاب خالد موسا) هاریكارێ سه‌رۆكێ زانكۆیێ بۆ كاروبارێن قوتابییان و به‌رێز پرۆفیسۆرێ هاریكار دكتۆر (عه‌بدولحه‌مید سلێمان) هاریكارێ سه‌رۆكێ زانكۆیێ بۆ كاروبارێن كارگێرى و دارایى و به‌رێزان ڕاگرێن كۆلیژ و فه‌كۆلتیان و مامۆستایێن زانكۆیێ، ووركشۆپه‌ك ده‌رباره‌یى (سیسته‌مێ مودرێن و ڕاسته‌وخۆ یێ په‌رتووكخانه‌یا ئه‌لیكترۆنى یا زانكۆیێ) ژ ئالیێ به‌رێز (عومه‌ر محه‌مه‌د مسته‌فا) مامۆستا ل پشكا زانستێن كۆمپیۆته‌رى ل هۆلا په‌رتووكخانه‌یا فه‌كۆلتیا زانست هاته‌ پێشكێشكرن.
به‌رێزى د ووركشۆپیدا ژ چه‌ندین ڕویان باسێ سیسته‌مێ په‌رتووكخانه‌یێ و چاوانییا دابه‌زاندن و خوازتنا په‌رتووكان ب شێوه‌یه‌كێ ده‌مكى كر، هه‌روه‌سا مامۆستایێ ناڤهاتى برێكا دوو قوتابییان تاقیكرنه‌كا ئێكسه‌ر ب شێوه‌یه‌كێ سه‌ركه‌ڤتیانه‌ لسه‌ر سیسته‌مێ نویێ په‌رتووكخانه‌یێ كر، ب ئه‌ڤێ چه‌ندێ ئاماده‌بوویێن ووركشۆپى ده‌ستخۆشى ل كارێ مامۆستایى كرن و ژێ خوازتن لسه‌ر كار و چالاكیێن وه‌ها به‌رده‌وام بیت و خزمه‌تا پێشخستنا زانستى ل هه‌رێما كوردستانێ و ل زانكۆیا زاخۆ ب تایبه‌تى بكه‌ت.