<< نووچەیێن

ل زانكۆیا زاخۆ باسێ ڕێكێن فێربوونا زمانێ ئینگلیزیێ هاته‌كرن

17 May 2018

ل ڕۆژا سێشه‌مبێ ڕێكه‌ڤتى (19/5/2018) لژێر چاڤدێریا خانم (بێریڤان محه‌مه‌د ئه‌حمه‌د) مامۆستا ل پشكا زمانێ ئینگلیزیێ، سمیناره‌ك ژ ئالیێ پێنج قوتابیێن هه‌مان پشكێ لدور (ڕێكێن فێربوونا زمانێ ئینگلیزیێ) ل هۆلا (خه‌لیل خه‌یالى) ل فه‌كۆلتیا زانستێن مرۆڤایه‌تى هاته‌ پێشكێشكرن.
د سمینارا ناڤهاتیدا چه‌ندین ته‌وه‌رێن گرنگ لدور زمانێ ئینگلیزیێ هاتنه‌ ئازراندن، وه‌ك چاوانیا پێشئێخستنا شیانێن زمانى برێكا بكارهینانا (فه‌رهه‌نگ، ڤێدیو، فیلم و په‌رتووكان...هتد)، هه‌روه‌سا هه‌لبژاردنا په‌رتووكێن زمانى یێن گونجایى بۆ ئاستێ كه‌سێ خۆ فێرى زمانى دكه‌ت. گرنگه‌ بێژین، كو لدووماهیێ ده‌رگه‌هێ دانوستاندنێ هاته‌ ڤه‌كرن و ئاماده‌بوویان دییتن و بۆچوونێن خۆ ده‌ربرین و گه‌نگه‌شه‌یه‌ك ئه‌كادیمى ئه‌نجامدان.