<< نووچەیێن

قوتابیێن پشكا زانستێن دارایى و بانكى گه‌شته‌ك زانستى ئه‌نجامدان

03 May 2018

ل ڕۆژا چوارشه‌مبێ ڕێكه‌ڤتى (2/5/2018) سه‌رۆكایه‌تییا پشكا (زانستێن دارایى و بانكى) ب سه‌رپه‌رشتیا به‌رێز (سامى عه‌بدولا عه‌زه‌ب) مامۆستا ل هه‌مان پشكا خواندنێ ل كۆلیژا كارگێرى و ئابۆرى، گه‌شته‌ك زانستى بۆ قوتابیێن قۆناغا دووێ بۆ (به‌نكا كوردستان یا نێڤده‌وله‌تى) ل باژێرێ دهۆكێ ڕێكخستن. ئارمانجا سه‌ره‌كى یا گه‌شتا زانستى یا قوتابییان ژ نێزیك دیتنا كار و پرۆسێسێن ل به‌نكان دهێنه‌ ئه‌نجامدان و مفا وه‌رگرتن ژ ئه‌زموون و كارێن وان بوو، هه‌روه‌سا پراكتیزه‌كرنا زانیاریێن تیۆرى یێن قوتابییان ئێك ژ مه‌ره‌مێن دیتر یێن گه‌شتا زانستى بوو. لدووماهییێ قوتابییان خۆشحالیا خۆ ب گه‌شتا زانستى ده‌ربرین و خوازتن گه‌شتێن وه‌ها به‌رده‌وام بن، ژبه‌ركو پتر نێزیكى ئارمانج و بوارێ كارێ خۆ دبن.