<< نووچەیێن

وه‌زاره‌تا خواندنا بلند و ڤه‌كۆلینێن زانستى دێ ڕێزبه‌ندیا زانكۆیان ڕاگه‌هینت

31 May 2018

ڕێڤه‌به‌ریا ڕاگه‌هاندنا وه‌زاره‌تا خواندنا بلند و ڤه‌كۆلینێن زانستى:
وه‌زاره‌تا خواندنا بلند و ڤه‌كۆلینێن زانستى بۆ سالا سێیێ دێ ڕێزبه‌ندیا نیشتیمانى یا زانكۆیێن كوردستانێ ڕاگه‌هینت.
به‌رێز دكتۆر (ئامانج سه‌عید) ڕاوێژكارێ وه‌زیرێ خواندنا بلند و ڤه‌كۆلینێن زانستى د داخویانییه‌كێدا ڕاگه‌هاند: ڕێزبه‌ندیا نیشتیمانى یا زانكۆیان ئێك ژ پرۆژه‌یێن گرنگ و كاریگه‌ر یێن وه‌زاره‌تا خواندنا بلنده‌، ژبه‌ركو جێبجێكرنا ئه‌وى پرۆژه‌یى د ماوه‌یێ بوریدا كاریگه‌رییه‌ك ئه‌رێنى لسه‌ر پێشكه‌ڤتنا زانكۆیان كر، هه‌روه‌سا زانكو ب هنده‌ك تایبه‌تمه‌ندى و بوهایێن نوى ئاشناكر.
ڕاوێژكارێ وه‌زیرێ خواندنا بلند و ڤه‌كۆلینێن زانستى ڕاگه‌هاند: د ده‌مێ نوكه‌ دا لیژنه‌یا بلند یا ڕێزبه‌ندیا نیشتیمانى ب به‌رده‌وامى كارێن خۆ ئه‌نجامدده‌ن، هه‌روه‌سا بریاره‌ ل ناڤه‌راستا هه‌یڤا ئۆكتۆبه‌را ئه‌ڤ ساله‌ بۆ جارا سێیێ ڕێزبه‌ندیا نیشتیمانى یا زانكۆیان بهێته‌ ڕاگه‌هاندن.
بۆ زانينا زانياريێن زێده‌تر، سه‌ره‌دانا مالپه‌رێ فه‌رميێ وه‌زاره‌تا خواندنا بلند و ڤه‌كۆلينێن زانستى بكه‌ن.