<< نووچەیێن

ل زانكۆيا زاخۆ خۆلا فێربوونا زمانێ توركى بدووماهیك هات

31 May 2018

ل ڕۆژا چوارشه‌مبێ ڕێكه‌ڤتى (30/5/2018) ب ئاماده‌بوونا به‌رێز پرۆفیسۆرێ هاریكار دكتۆر (یاسین تاها مسته‌فا) هاریكارێ سه‌رۆكێ زانكۆیا زاخۆ بۆ كاروبارێن زانستى و خواندنا بلند و به‌رێز پرۆفیسۆرێ هاریكار دكتۆر (ستار جه‌بار حاجى) ڕێڤه‌به‌رێ سه‌نته‌رێ ڕاهێنان و پێشخستنێ و مامۆستا (جمعه‌ محه‌مه‌د) سه‌رۆكێ پشكا زمانێ توركى، ڕێوره‌سمێن بدووماهیك هینانا (خۆلا فێركرنا زمانێ توركى) هاتنه‌ گێران.
گرنگه‌ بێژین، كو خۆلا ناڤهاتى ل ڕێكه‌ڤتى (12/2/2018) هاتبوو ڤه‌كرن و بۆ ماوه‌یێ سێ هه‌یڤان یا به‌رده‌وام بوو، هه‌روه‌سا د حه‌فتیێدا سێ ڕۆژان وانه‌ ژ ئالیێ مامۆستایێن پسپۆر ڤه‌ دهاتنه‌ پێشكێشكرن. لدوماهیێ فه‌ره‌ بێژین، كو (22) مامۆستا و فه‌رمانبه‌رێن زانكۆیا زاخۆ پشكدارى د خۆلێدا كرن و باوه‌رنامه‌یێن تایبه‌ت وه‌رگرتن.