<< نووچەیێن

په‌یڤدارێ وه‌زاره‌تا خواندنا بلند: پێداچوون دێ د لیستا زانكۆیێن باوه‌رپێكرى یێن توركیا و ئیرانێدا كه‌ن

06 June 2018

ڕێڤه‌به‌ریا ڕاگه‌هاندنا وه‌زاره‌تا خواندنا بلند و ڤه‌كۆلینێن زانستى:
وه‌زاره‌تا خواندنا بلند و ڤه‌كۆلینێن زانستى یا حكومه‌تا هه‌رێما كوردستانێ دێ پێداچوونێ د لیستا زانكۆیێن باوه‌رپێكرى یێن وه‌لاتێن (توركیا و ئیرانێ) دا كه‌ت.
به‌رێز (عه‌باس ئه‌كره‌م) په‌یڤدارێ وه‌زاره‌تا خواندنا بلند و ڤه‌كۆلینێن زانستى د داخویانییه‌كێدا ڕاگه‌هاند: وه‌زاره‌تا مه‌ لدویڤ ستاندارد و پیڤه‌رێن جیهانى و ڕێزبه‌ندیا جیهانى یا زانكۆیان د ماوه‌یه‌كێ نێزیكدا دێ ده‌ست ب پرۆسێسا پێداچوونێ د لیسته‌یا زانكۆیێن وه‌لاتێن (توركیا و ئیرانێ) د لیستا زانكۆیێن باوه‌رپێكرى یێن هه‌رێما كوردستانێدا كه‌ت، ب تایبه‌ت بۆ ئه‌وان قوتابیێن دخوازن ل ئه‌وان هه‌ر دوو وه‌لاتان به‌رده‌وامیێ ب خواندنێ بده‌ن. به‌رێزى ئه‌ڤ یه‌كه‌ ژى ڕاگه‌هاند: ژ بۆ ئه‌ڤێ مه‌به‌ستێ وه‌زاره‌تا مه‌ پشتى ئه‌نجامدانا پرۆسه‌یا پێداچوونێ د لیستا نوى یا زانكۆیێن باوه‌رپێكرى یێن ئه‌وان هه‌ر دوو وه‌لاتاندا دێ لیستا زانكۆیێن په‌سه‌ندكرى یێن وه‌لاتێن (توركیا و ئیرانێ) به‌لاڤه‌كه‌ت.
بۆ زانینا زانیاریێن زێده‌تر، سه‌ره‌دانا مالپه‌رێ فه‌رمیێ وه‌زاره‌تا خواندنا بلند و ڤه‌كۆلینێن زانستى بكه‌ن.