<< نووچەیێن

زانكۆیا زاخۆ پله‌یێن بلند ژ ژێ وه‌رگرتیێن ڤه‌كۆلینێن زانستى بده‌ستخۆڤه‌ دهینت

08 July 2018

(Google Scholar Citations) ڕاپۆرته‌ك ب ناڤێ ئه‌وان زانكۆیێن د سیسته‌مێ واندا تۆماركرى به‌لاڤه‌كرییه‌، د ڕاپۆرتێدا هاتییه‌ دیاركرن كو پتر ژ (5804) زانكۆیان لسه‌رانسه‌رى جیهانێ د لیستێدا هاتینه‌ تۆماركرن. لدویڤ ڕێنمایێن (Google Scholar Citations) ئه‌و زانكۆیێن كو پتر ژ (1000) ڕێزان ژ ڤه‌كۆلینێن وان هاتبنه‌ وه‌رگرتن دێ ناڤێ وان ده‌ربازى ناڤ سیسته‌مى بیت.
هه‌ژییه‌ بێژین، كو ناڤێن (28) زانكۆیێن وه‌لاتێ ئیراقێ د لیستێدا هاتینه‌ تۆماركرن و (11) زانكۆیێن هه‌رێما كوردستانێ ڕێزێن هه‌ره‌باش بده‌ستخۆڤه‌ هیناینه‌، خالا هه‌ره‌ د گرنگ لڤێره‌ ئه‌وه‌ كو زانكۆیا زاخۆ لسه‌ر ئاستێ ئیراقێ ل ڕێزا (24) دهێته‌ و لسه‌ر ئاستێ هه‌رێما كوردستانێ ل ڕێزا (9) دهێت، ژبه‌ركو (1331) ڕێزێن ڤه‌كۆلینێن زانكۆیێ ژلایێ ڤه‌كۆله‌راڤه‌ هاتینه‌ وه‌رگرتن. لدووماهیێ فه‌ره‌ بێژین، كو زانكۆیا زاخۆ پێشكه‌ڤتنه‌ك هه‌ره‌باش بده‌ستخۆڤه‌ هینایه‌ و پله‌یا وێ یا ئه‌ڤ ساله‌ ب به‌راوردى دگه‌ل سالا ده‌ربازبوویى به‌ره‌ڤ باشتر هاتییه‌ گوهۆرین.