<< نووچەیێن

فه‌كۆلتیا زانستێن مرۆڤایه‌تى دێ سێیه‌مین كۆنفرانسێ خۆ یێ نێڤده‌وله‌تى گێریت

16 September 2018

سه‌نته‌رێ زاخۆ بۆ ڤه‌كۆلینێن كوردی/ فه‌كۆلتیا زانستێن مرۆڤایه‌تی ل زانكۆیا زاخۆ دێ كۆنفرانسێ خوه‌ یێ سێیێ لژێر ناڤونیشانێ (سیاسه‌تا به‌ریتانیا ل هه‌مبه‌ر كێشه‌یا كوردی) ل ڕێكه‌ڤتى 16و17-4-2019 گێریت.
• پێناسه‌یه‌كا گشتى: بابه‌ته‌كێ كه‌ڤن و نویه‌ د دیرۆك و سیاسه‌تا كورداندا، لێ یا گرنگه‌ جاره‌كا دی لێبزڤرین و ب دیتنه‌كا ڕه‌خنه‌یی ڤه‌كۆلینێ لسه‌ر هه‌ر تشته‌كێ ب به‌ریتانیا و سیاسه‌تا ئه‌وێڤه‌ ل ڕۆژهه‌لاتا ناڤه‌راست ب ته‌ڤایی و ل كوردستانێ ب تایبه‌تیڤه‌ یا گرێداى بیت، بكه‌ین. هنده‌ك سیاسه‌تمه‌دار و دیرۆكنڤێسێن كورد ل ئه‌وێ باوه‌رێ بوون كو به‌ریتانیا پشتی كۆده‌تایا عه‌بدولكه‌ریم قاسمی لسه‌ر ڕژێما پاشایه‌تی ل عیراقێ ل سالا 1958 خوه‌ ژ مه‌یدانا كوردان ڤه‌كێشایه‌ و ئه‌و وه‌ك به‌رێ ئێدى ب ڕه‌گه‌زێ سه‌ره‌كى، بریارده‌ر و كاریگه‌ر د سیاسه‌تا كوردان و پاشه‌ڕۆژا كوردستانێدا ناهێته‌ هژمارتن، لێ ئه‌و ڕوودانێن ل گه‌ل بوویه‌رێن 16 ئوكتوبه‌را 2017 هاتین دیاركرن كو هێشتا به‌ریتاتیا هه‌ڤسارێ سیاسه‌تێ ل عیراقێ نه‌به‌ردایه‌ و هێشتا ئه‌و لسه‌ر كاریگه‌ریا خوه‌ یا نه‌رێنی لسه‌ر پاشه‌ڕۆژا كوردستانێ به‌رده‌وامه‌! ئه‌و سیاسه‌تا كه‌ڤن ئه‌وا كو ل هه‌مبه‌ر هه‌ر بزاڤ و هه‌وله‌كا كوردان ل هه‌ر چار پارچه‌یێن كوردستانێ دراوه‌ستیت ئه‌گه‌ر مه‌به‌ست ژێ بده‌ستڤه‌هینانا جۆره‌ك ژ سه‌ربخۆییێ بیت.
• ئارمانج:
به‌ردانا سیناهیێ لسه‌ر هه‌ر تشته‌كێ ب سیاسه‌تا به‌ریتانیا ل هه‌مبه‌ر كوردستانێڤه‌ یا گرێدای بیت، و په‌رده‌ لسه‌ر ئه‌وان به‌لگه‌یێن به‌ریتانی بهێنه‌ هلێڤرین ئه‌وێن به‌حس ل پاشه‌ڕۆژ و چاره‌نڤێسێ كوردان دكه‌ن هه‌ر ژ ده‌مێ بۆ ئێكه‌مینجار لده‌ستپێكا سه‌ده‌یێ نوزدێ پێیێن ئه‌وان ب كوردستانێ كه‌ڤتین هه‌تا سالا 2017ێ، ژ بۆ زانینا مه‌ره‌م و ئارمانجێن سیاسه‌تا به‌ریتانیا ل هه‌مبه‌ر كوردستانێ.
دیدگه‌هـ: گه‌هشتن ب ئه‌وان به‌رسڤێن زانستى یێن جهێ باوه‌ریێ ژ بۆ نیاسینا ڕه‌هه‌ندێن سیاسه‌تا به‌ریتانیا ل هه‌مبه‌ر كوردستانێ، و ژ ئه‌وان پرسیارێن كو گرنگه‌ به‌رسڤ بۆ بهێنه‌ دیتن: به‌ریتانیا ژ بۆ چارچووڤه‌دان و بجههینانا سیاسه‌تا خوه‌ ل سه‌ر چ بنگه‌هه‌كێ ڕادوه‌ستیت؟ كوردان چ ڕۆل و كاریگه‌رى د ئه‌ڤێ سیاسه‌تێدا هه‌یه‌؟ ڕۆلێ كه‌مینه‌یان د ئاراسته‌كرنا به‌ریتانیا ژ بۆ گرتنه‌به‌را ئه‌ڤێ سیاسه‌تێ چیه‌؟ د ده‌مێ وێنه‌كرنا سیاسه‌تا خوه‌دا ئه‌رێ به‌ریتانیا دكه‌ڤیته‌ ل ژێر كارتێكرنا، عه‌ره‌ب، فارس یان توركان؟ ئه‌رێ ئه‌گه‌ر چیه‌ كو هه‌ر ژ كه‌ڤندا به‌رژه‌وه‌ندیێن كوردان ل گه‌ل یێن به‌ریتانیا ناگه‌هنه‌ ئێك؟
• ته‌وه‌رێن كۆنفرانسی: ناڤونیشانێ (سیاسه‌تا به‌ریتانیا ل هه‌مبه‌ر كێشه‌یا كوردی) گه‌له‌ك ته‌وه‌ران ب خوه‌ڤه‌ دگریت چونكه‌ به‌ریتانیا ب درێژاهیا دوو سه‌ده‌یان ژیانا سیاسی ل كوردستانێ كونترۆل كربوو، لێ دكارین ئه‌وان ته‌وه‌ران د ئه‌ڤان خالاندا كورت بكه‌ین:
1-كه‌نگی به‌ریتانیا هێدی هێدى خوه‌ كێشایه‌ د كوردستانێدا؟
2-بۆچى به‌ریتانیا ل نیڤا ئێكێ ژ سه‌ده‌یێ هه‌ژدێ كوردستان وه‌ك مه‌یدانه‌ك بۆ خوه‌ هه‌لبژارت؟
3-سیاسه‌تا به‌ریتانیا ل هه‌مبه‌ر میرگه‌هێن فیودالیێن كوردان چ بوو؟
4-به‌رپرسیا به‌ریتانیا ژ هه‌لوه‌شیانا سیسته‌مێ میرگه‌هان ل كوردستانێ؟
5-به‌ریتانیا و پرسا ئه‌رمه‌نان ل كوردستانێ؟
6-سیاسه‌تا به‌ریتانیا ل هه‌مبه‌ر شۆڕه‌ش و بزاڤێن كوردان دناڤبه‌را 1880-1914؟
7- ڕۆلێ به‌ریتانیا د شه‌راندا، هه‌ڤركیا ئاشورى- كوردی ل كوردستانێ؟
8-كوردستان د پلان و ڕێكه‌ڤتنێن ئیستعماریدا (سایكس- پیكو- سازانۆڤ، قاهره‌، سیڤه‌ر، لۆزان)؟
9-به‌رپرسیا به‌ریتانیا ژ بده‌ستڤه‌ نه‌هاتنا ده‌وله‌ته‌كا سه‌ربخۆ بۆ كوردان پشتی جه‌نگێ جیهانیێ ئێكێ؟
10-ئینتداب و سه‌رپه‌رشتیا به‌ریتانیا ل سه‌ر عیراقێ پشتی په‌یدابوونا بزاڤێن نه‌ته‌وه‌یی ل كوردستانا باشوور هه‌تا كۆده‌تایا عه‌بدولكه‌ریم قاسمی (شێخ مه‌حموودێ حه‌فید، شێخ ئه‌حمه‌دێ بارزانی، خه‌لیا خوشه‌ڤى، مه‌لا مسته‌فا بارزانی)؟
11-سیاسه‌تا به‌ریتانیا ل هه‌مبه‌ر كێشه‌یا كوردان ل توركیا، ئیران و سوریا؟
12-به‌ریتانیا چه‌وا سه‌ره‌ده‌ری ل گه‌ل ڕوودانێن شۆڕه‌شا ئیلوونێ 1961- 1975 كر؟
13-هه‌لویستێ به‌ریتانیا ژ ئوپراسیۆنێن ئه‌نفال و بۆمبه‌بارانكرنا حه‌له‌بچه‌؟
14-سیاسه‌تا به‌ریتانیا ل هه‌مبه‌ر كێشه‌یا كوردان ل سه‌ده‌مێ حوكمێ كوردان ل كوردستانا عیراقێ 1991-2003؟
15-هه‌لویستێ به‌ریتانیا ژ پارتا كاركه‌رێن كوردستانێ و چالاكیێن ئه‌وان یێن له‌شكه‌رى ل كوردستانێ؟
16-كوردستانا عیراقێ د كێشانا سیاسه‌تا به‌ریتانیا پشتی داگیركرنا عیراقێ ل 2003 هه‌تا ڕوودانێن كه‌ركووكێ ئوكتوبه‌را 2017؟
17-مێژوونڤێسێن كورد چه‌وا سیاسه‌تا به‌ریتانیا ل هه‌مبه‌ر كێشه‌یا كوردان هه‌لدسه‌نگینن؟
18-هه‌لسه‌نگاندن و شیكرنا گرنگترین ئه‌وان ژێده‌رێن به‌حسێ سیاسه‌تا به‌ریتانیا ل هه‌مبه‌ر دۆزا نه‌ته‌وه‌ییا كوردان دكه‌ن.
19-گرنگترین ئه‌و سیاسه‌تمه‌دارێن كورد كو ب ئه‌ڤى ڕه‌نگی یان ب ڕه‌نگه‌كێ دى كارتێكرن ل پاشه‌ڕۆژا سیاسییا كوردان كرین.
20-كارتێكرنا جهێ جوگرافی و په‌ترۆلێ د سیاسه‌تا به‌ریتانیا ل به‌رامبه‌ر كوردستانێ.
-مه‌رجێن نڤێسینێ:
1-لیژنه‌یا زانستی ڤه‌كۆلینان ب زمانێن كوردی، عه‌ربی و ئینگلیزی وه‌ردگریت.
2-كورتیا بابه‌تی (پۆخته‌) ژ (500) پتر نه‌بیت، ل گه‌ل نڤێسینا (5) كلیلێن بابه‌تی.
3-سه‌رجه‌مێ هژمارا په‌یڤێن ڤه‌كۆلینێ ژ (10000) په‌یڤان نه‌بووریت.
4-ئه‌ڤ فونتێن ل خوارێ بو نڤێسینێ بهێنه‌ بكار هینان:
• بو زمانێ كوردی (Ali-K-Sahifa)
• بو زمانێ عه‌ره‌بی (Ali-A-Sahifa)
• بو زمانێ ئینگلیزی (Times New Roman)
-ژڤانێن گرنگ:
1- هنارتنا كورتیێن ڤه‌كۆلینان هه‌تا كو 15/10/ 2018-2018.
2-به‌رسڤا په‌سه‌ند كرنا كورتیان یان لێبورینێ 1/11/2018.
3-هنارتنا دانه‌یا دووماهیێ ژ ڤه‌كۆلینێ 10/1/2019.
4-ئاگه‌هداركرن ب په‌سه‌نكرن یان ڕه‌دكرنا ڤه‌كۆلینێ 1/2/2019.
5-گرێدانا كۆنفرانسی 16-17/4/ 2019.
-په‌یوه‌ندی:
• په‌یوه‌ندیێن ئه‌لكترۆنی بۆ ئه‌ڤی ناڤونیشانی بهێنه‌ ئاراسته‌كرن (hum.isc2019@uoz.edu.krd)
• ژ بۆ پتر پێزانینان په‌یوه‌ندیێ ب ئه‌ڤێ هژمارێ بكه‌ن:
(+964 (0) 751 536 1550)
•لیژنه‌یا زانستی و ئاماده‌كار:
ز/ ناڤ/ زانكۆ/ لیژنه‌
1-پ.هـ.د. دیار عبد الكریم سعید/ زانكۆیا زاخۆ/ سه‌رۆك
2-پ.د. خلیل علی مراد/ زانكۆیا صلاح الدین/ ئه‌ندام
3-د.سعد بشیر إسكندر/ شیره‌تكارێ سه‌نته‌رێ ژین بۆ ڤه‌كۆلینان/ سلێمانی/ ئه‌ندام
4-پ.د. هوگر طاهر توفیق/ زانكۆیا زاخۆ/ ئه‌ندام
5-پ.هـ.د. شیرزاد زكریا محمد/ زانكۆیا زاخۆ/ ئه‌ندام
6-پ.هـ.د. حسین عثمان عبد الرحمن/ زانكۆیا زاخۆ/ ئه‌ندام
7-پ.هـ.د. غسان ولید مصطفى/ زانكۆیا زاخۆ/ ئه‌ندام
8-پ.هـ.د. طارق احمد شیخو/ زانكۆیا زاخۆ/ ئه‌ندام
9-پ.هـ.د. عبد السلام نجم الدین عبد الله/ زانكۆیا زاخۆ/ ئه‌ندام
10-د.بیار مصطفى سیف الدین/ زانكۆیا ئه‌مریكی/ دهوك/ ئه‌ندام
11-د.فاخرحسن یوسف/ زانكۆیا زاخۆ/ ئه‌ندام
12-د.نزار أیوب حسن/ زانكۆیا زاخۆ/ ئه‌ندام
13-د.ماجد محمد یونس/ زانكۆیا زاخۆ/ ئه‌ندام
14-د. میهفان محمد حسین/ زانكۆیا زاخۆ/ ئه‌ندام
15-د.نیژیار نعمان نعمان/ زانكۆیا زاخۆ/ ئه‌ندام
16-د.علی صالح حمدان/ زانكۆیا زاخۆ/ ئه‌ندام
17-م.خورشید محمد رشید احمد/ زانكۆیا زاخۆ / ئه‌ندام