<< نووچەیێن

شانده‌كێ زانكۆیا زاخۆ سه‌ره‌دانا وه‌لاتێ ئه‌لمانییا كر

31 October 2018

ل ڕۆژا سێشه‌مبێ ڕێكه‌ڤتى (16/10/2018) به‌رێز پرۆفیسۆرێ هاریكار دكتۆر (له‌زگین عه‌بدى جه‌میل) سه‌رۆكێ زانكۆیا زاخۆ و به‌رێز دكتۆر (لوقمان عه‌زیز عه‌بدولكه‌ریم) ڕاگرێ كۆلیژا ئه‌ندازیارى ل زانكۆیا زاخۆ سه‌ره‌دانه‌ك فه‌رمى بۆ سه‌نته‌رێ ڤه‌كۆلینان (HZDR) یێ ئه‌لمانى ئه‌نجامدان. به‌رێزان د سه‌ره‌دانا خۆ دا چه‌ندین كۆمبوون دگه‌ل به‌رپرس و ڕێڤه‌به‌رێن تاقیگه‌هان د ماوه‌یێ پێنج ڕۆژاندا ب مه‌به‌ستا هه‌لسه‌نگاندنا كارێ هه‌ڤپشك یێ دناڤبه‌را زانكۆیا زاخۆ و سه‌نته‌رێ ئه‌لمانیدا سازكرن.
گرنگه‌ بێژین، كو سه‌نته‌رێ ناڤهاتى د ماوه‌یێ ده‌ربازبوویدا خۆله‌كا ڕاهێنانێ بۆ (31) قوتابیێن كۆلیژا ئه‌ندازیارى ڕێكخستبوو، هه‌روه‌سا باوه‌رنامه‌یێن تایبه‌ت یێن خۆلێ ژى ب قوتابیێن زانكۆیا زاخۆ دابوون. ئارمانجا سه‌ره‌كى یا سه‌ره‌دانێ خورتكرنا په‌یوه‌ندیان و پێشخستنا پرۆگرامێ سالانه‌یێ سه‌ره‌دانا قوتابییان بۆ وه‌لاتێ ئه‌لمانییا بوو.