<< نووچەیێن

ڕاگه‌هاندنا چوار پۆستان ل زانكۆیا زاخۆ

04 November 2018

وه‌زاره‌تا خواندنا بلند و ڤه‌كۆلینێن زانستى د چوارچووڤه‌یێ ڕێنمایاندا چوار پۆستان ل سه‌رۆكایه‌تییا زانكۆیا زاخۆ (بۆ جارا ئێكێ) ڕادگه‌هینت، ئه‌ڤجار هه‌ر كه‌سێ حه‌ز لسه‌ر هه‌بیت و مه‌رجان جێبجێ بكه‌ت، دكارت د ماوه‌یێ دیاركریدا (سى ڤى) و داخوازیا خۆ پێشكێش بكه‌ت، داكو ناڤێ وى د لیستا داخوازكاراندا بهێته‌ تۆماركرن.

ئێك: پۆست
هاریكارێ سه‌رۆكێ زانكۆیێ بۆ كاروبارێن قوتابییان
ڕاگرێ كۆلیژا په‌روه‌رده‌ و بنیات
ڕاگرێ كۆلیژا كارگێرى و ئابۆرى
ڕاگرێ كۆلیژا پزیشكى

دوو: مه‌رجێن پێدڤى:
هه‌لگرێ باوه‌رنامه‌یا دكتۆرایێ بیت.
ناڤونیشانێ زانستى ژ پرۆفیسۆرێ هاریكار كێمتر نه‌بیت.
خزمه‌تا زانكۆیێ ژ (10) سالان كێمتر نه‌بیت.

تێبینى:
ده‌رفه‌تا زێده‌تر ب ئه‌وى به‌رێزى دێ هێته‌دان یێ دید و بۆچوون و به‌رنامه‌یێ كار و چالاكیێن خۆ پێشكێش بكه‌ت ژبۆ پێشڤه‌برنا زانكۆیێ د ماوه‌یێ چوار سالێن پۆستى وه‌ربگریت، هه‌روه‌سا زمانێ ئینگلیزى و بكارهێنانا كۆمپیۆته‌رى ده‌رفه‌تا زێده‌تر بۆ پێشكێشكارى دره‌خسینت.
ژڤانێ دووماهیێ بۆ پێشكێشكرنا (سى ڤى) و كۆرتییا خزمه‌تا ده‌وامێ ل ڕۆژا پێنجشه‌مبێ ڕێكه‌ڤتى (8/11/2018). پێدڤییه‌ كۆرتییا خزمه‌تێ ژ لایێ به‌رپرسێ ئێكێ یێ فه‌رمانگه‌هێ ئیمزاكرى بیت. هه‌روه‌سا هه‌ر به‌رێزه‌كێ حه‌ز هه‌بیت و مه‌رجێن لسه‌رى دیاركرى لده‌ڤ هه‌بن، دكارت (سى ڤى) و پۆختێ ڕاژه‌یێ ب شێوه‌یه‌كێ ڕاسته‌وخۆ بۆ ئه‌ڤى ئیمیلى (jobs@mhe-krg.org) فرێبكه‌ت.