<< نووچەیێن

ڕاگرییا فه‌كۆلتیا زانستێن مرۆڤایه‌تى ڕێز و سۆپاسى ئاراسته‌یى دوو سه‌رۆك پشكان كرن

07 November 2018

ل ڕۆژا سێشه‌مبێ ڕێكه‌ڤتى (6/11/2018) به‌رێز پرۆفیسۆرێ هاریكار دكتۆر (دیار عه‌بدولكه‌ریم سه‌عید) ڕاگرێ فه‌كۆلتیا زانستێن مرۆڤایه‌تى ل زانكۆیا زاخۆ ب مه‌به‌ستا ڕێزگرتنێ ل دوو سه‌رۆك به‌شێن خواندنێ، ئه‌و ژى ڕێزداران پرۆفیسۆرێ هاریكار دكتۆر (هۆگر تاهر ته‌وفیق) سه‌رۆكێ پشكا مێژوویێ و پرۆفیسۆرێ هاریكار دكتۆر (حسێن ئۆسمان عه‌بدولره‌حمان) سه‌رۆكێ پشكا زمانێ كوردیێ دوو ئارمێن زانستى یێن تایبه‌ت وه‌ك ڕێزگرتن پێشكێشى هه‌ر دوو به‌رێزان كر، ژبه‌ركو ناڤهاتییان د چوار سالێن ده‌ربازبوویدا خزمه‌ته‌ك هه‌ره‌باش پێشكێشى پشكێن خۆ یێن زانستى و زانكۆیا زاخۆ ب شێوه‌یه‌كێ گشتى كرینه‌، له‌ورا ئه‌ڤ یه‌كه‌ لده‌ڤ جه‌نابێ ڕاگرى جهێ ڕێز و سوپاسیان بوو.
جهێ ئاماژه‌پێدانیێه‌، كو چوار سالێن یاسایى یێن هه‌ر دوو سه‌رۆك پشكان تمامبوون و ڕاسته‌وخۆ هاتنه‌ گوهۆرین و ل جهێن وان هه‌ر ئێك ژ به‌رێز دكتۆر (نزار ئه‌یوب) وه‌ك سه‌رۆك پشكێ مێژوویێ و به‌رێز دكتۆر (كامیران ئیبراهیم خه‌لیل مشه‌ختى) وه‌ك سه‌رۆك پشكێ زمانێ كوردیێ هاتنه‌ ده‌ستنیشانكرن.