<< نووچەیێن

په‌یڤدارێ وه‌زاره‌تا خواندنا بلند: د ئه‌ڤێ هه‌یڤێدا كۆرسێن زمانێ ئینگلیزیێ ل زانكۆیێن كوردستانێ دێ ده‌ستپێكه‌ن

02 December 2018

پشتى ده‌رچوونا ئه‌نجامێن ئه‌زموونێن دیاركرنا ئاستێن زمانێ ئینگلیزیێ ل زانكۆیێن هه‌رێما كوردستانێ بۆ كاندیدێن ماسته‌ر و دكتۆرایێ و خوازیارێن بده‌ستڤه‌هینانا ناسناڤێ زانستى، بریاره‌ كو د ئه‌ڤێ هه‌یڤێدا كۆرسێن زمانى ل زانكۆیان ده‌ستپێبكه‌ن.
به‌رێز (عه‌باس ئه‌كره‌م) په‌یڤدارێ وه‌زاره‌تا خواندنا بلند و ڤه‌كۆلینێن زانستى د داخویانییه‌كێدا ڕاگه‌هاند: پشتى ده‌رچوونا ئه‌نجامێن ئه‌زموونێن دیاركرنا ئاستێن زمانێ ئینگلیزێ ل زانكۆیێن هه‌رێما كوردستانێ، كو ب هه‌ماهه‌نگى دناڤبه‌را سه‌نته‌رێن زمانى و ڕێكخراوا ئیمیدیست هاتنه‌ ئه‌نجامدان و ئاستێ سه‌رجه‌م كاندید و خوازیاران هاتنه‌ دیاركرن. د ده‌مێ نوكه‌ دا هه‌مى ئاماده‌كارى بۆ ده‌ستپێكرنا كۆرسێن زمانێ ئینگلیزى بدووماهیك هاتنه‌ و بریاره‌ د ئه‌ڤێ هه‌یڤێدا كورسێن زمانى ل سه‌نته‌رێن زمانى ل زانكۆیێن (سەڵاحەددین/هه‌ولێر، سلێمانى، دهۆک، گەرمیان، سۆران و ڕاپەڕین) دەستپێبكه‌ن.
بۆ زانينا زانياريێن زێده‌تر، سه‌ره‌دانا مالپه‌رێ فه‌رميێ وه‌زاره‌تا خواندنا بلند و ڤه‌كۆلينێن زانستى بكه‌ن.