<< نووچەیێن

وێنه‌كرنا نه‌خشه‌یان و هه‌لسه‌نگاندنا داپۆشینه‌رێن ڕووه‌كى برێكا GIS ل هه‌رێما كوردستانێ

24 December 2018

سه‌نته‌رێ هه‌ستپێكرنا ژ دویرڤه‌ و جێبجێكرنا زانیاریێن جوگرافى ل زانكۆیا زاخۆ پرۆژه‌یێ (وێنه‌كرنا نه‌خشه‌یان و هه‌لسه‌نگاندنا داپۆشینه‌رێن ڕووه‌كى برێكا GIS ل هه‌رێما كوردستانێ) بدووماهیك هینا. ئه‌ڤ پرۆژه‌یه‌ ژ ئالیێ ڕێڤه‌به‌ریا گشتى دارستان و بیستانان ل وه‌زاره‌تا چاندن و سه‌رچاوه‌یێن ئاڤێ ل هه‌رێما كوردستانێ هاته‌ جێبجێكرن.
ئارمانجا سه‌ره‌كى یا پرۆژه‌یێ ناڤهاتى وێنه‌كرنا نه‌خشه‌یان و هه‌لسه‌نگاندنا ڕێژه‌یا داپۆشینه‌رێن ڕووه‌كى ل هه‌رێما كوردستانێ بوو، هه‌روه‌سا چه‌ندین ئارمانجێن دیتر ژى هه‌بوون، وه‌ك:
1ـ نه‌خشه‌كرن و هه‌لسه‌نگاندنا داپۆشینه‌رێن ڕووه‌كى لسه‌رانسه‌رى هه‌رێما كوردستانێ.
2ـ نه‌خشه‌كرن و هه‌لسه‌نگاندنا داپۆشینه‌رێن ڕووه‌كى لسه‌ر بنه‌مایێ هێلا ده‌ریایى یا به‌رز.
3ـ نه‌خشه‌كرن و هه‌لسه‌نگاندنا داپۆشینه‌رێن ڕووه‌كى بۆ هه‌ر ده‌ڤه‌ره‌كا كوردستانێ.
4ـ نه‌خشه‌كرن و هه‌لسه‌نگاندنا دارستانێن ده‌ستكرد ل هه‌رێما كوردستانێ.
گرنگه‌ بهێته‌ گۆتن، كو پرۆژه‌یێ ناڤهاتى ل سالا (2015) ده‌ستپێكرییه‌ و ڕه‌زه‌مه‌ندى لسه‌ر هاتییه‌كرن. هه‌روه‌سا ب هه‌ڤكارى دگه‌ل زانكۆیێن (سه‌لاحه‌دین، گه‌رمیان) و ڕێڤه‌به‌ریا دارستانێ ل پارێزگه‌ها دهۆكێ هاتییه‌ جێبجێكرن.