<< نووچەیێن

هاریكارێ سه‌رۆكێ زانكۆیێ پشكدارى د ڕونشتنه‌كا وه‌قفا میزۆپۆتامییاندا كر

26 December 2018

ل ڕۆژا پێنجشه‌مبێ ڕێكه‌ڤتى (20/12/2018) به‌رێز پرۆفیسۆر دكتۆر (عه‌بدولوه‌هاب خالد موسا) هاریكارێ سه‌رۆكێ زانكۆیا زاخۆ بۆ كاروبارێن قوتابییان ب ئاوایه‌كێ فه‌رمى پشكدارى د كۆمبوونا (كۆمخه‌باتا وه‌قفا میزۆپۆتامیان) ئه‌وا ل دوور ( تێرمینیۆلۆژیا یاسایێ) ل باژێرێ (مێردینێ) هاتییه‌ ڕێكخستندا كر.
ئارمانجا سه‌ره‌كى یا گێرانا كۆمخه‌باتێ گرنگیپێدان و كوردیكرنا زاراڤێن یاسایى ب زمانێ كوردى ل وه‌لاتێ توركیا بوو، هه‌روه‌سا خورتكرن و بكارهینانا تێرمێن زمانێ كوردى د بوارێ یاسایێدا ئێك ژ ئارمانجێن دیتر یا كۆمخه‌باتێ بوو. فه‌ره‌ بهێته‌ گۆتن كو د جڤینێدا چه‌ندین پسپۆر و شاره‌زایێن زمانێ كوردى به‌رهه‌ڤببوون و دانوستاندنێن به‌رفره‌هـ لدوو مژارا هاتییه‌ ئازراندن ئه‌نجامدان.
لدووماهیێ گرنگه‌ بێژین، كو به‌رێز پرۆفیسۆر دكتۆر (عه‌بدولوه‌هاب خالد) سه‌رپه‌رشت و ڕێڤه‌به‌رێ ته‌ڤایا ڕوینشتنێن كۆمخاتێ بوو. هه‌روه‌ها ماوه‌یێ جڤینا (وه‌قفا میزۆپۆتامیان) چوار ڕۆژ بوون.